Bəhreyn F2: Dyun ilk dəfə qalib gəlib

Rauf Hacıyev 13 Aprel 2025, 18:41
Bəhreyn F2: Dyun ilk dəfə qalib gəlib
  1. 1K. AntonelliMercedes402
  2. 2M. FerstappenRed Bull304
  3. 3L. HəmiltonFerrari267
  4. 4C. RassellMercedes264
  5. 5L. NorrisMcLaren264
  6. 6Ş. LeklerFerrari250
  7. 7O. PiastriMcLaren167
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine52
  11. 11A. LindbladRacing Bulls38
  12. 12F. KolapintoAlpine35
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16K. SaynsWilliams11
  17. 17E. OkonHaas7
  18. 18F. AlonsoAston Martin7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes666
  2. 2Ferrari517
  3. 3Red Bull440
  4. 4McLaren431
  5. 5Racing Bulls114
  6. 6Alpine87
  7. 7Haas31
  8. 8Audi28
  9. 9Williams16
  10. 10Aston Martin7
  11. 11Cadillac0

Formula 2 üzrə Bəhreyn yarışını Rodin Motorsport komandasının sürücüsü Aleks Dyun qazanıb.

Kokpit.az bildirir ki, irlandiyalı sürücü Formula 2-dəki ilk qələbəsini qazanıb.

Yarışa Leonardo Fornaroli pouldan başlayıb. İtalyan sürücü yaxşı startla liderliyini qoruyub. Ancaq Viktor Martins üçün işlər yaxşı getməyib. Fransalı sürücü pis start alaraq, altıncı yerə qədər geriləyib. Dyun isə sürətli startla ikinci yerə yüksəlib. Vilyaqomes və Stanek müvafiq olaraq üç və dördüncü olublar. Dünənki Sprint yarışının qalibi Xosep Maria Marti isə yaxşı startla beşinci yerə yüksəlib.

Yarışın beşinci dövrəsində Mati gözəl hücumla dördüncü yerə yüksəlib. Bundan sonra Viktor Martins Staneki geridə qoyub və Martini izləməyə başlayıb.

Marti 6-cı dövrənin birinci döngəsində Vilyaqomesi keçərək, 3-cü yerə yüksəlib. Yenə də Viktor Martin ispaniyalı izləyərək, Vilyaqomesi keçib və dördüncü olub.

Yarışın yeddinci dövrəsində Dyun Fernarolini keçərək liderliyə yüksəlib. İrlandiyalı sürücü birinci döngədə mükəmməl əylənmə ilə yarışın yeni lideri olub.

Soft təkərlə yarışa start verən sürücülərdən ən tez pitə gələn Viktor Martins olub. Onu Dino Beqanoviç və Rixard Versxur izləyiblər.

Yarışın 12-ci dövrəsində üçlük belə olub – Dyun, Fornaroli və Marti.

Yarışın 16-cı dövrəsində yarışın lideri pitə gələrək təkərini dəyişib və trasa Martinsin önündə qayıdıb. Fornaroli və Marti də pitə gələrək Hard təkərə keçiblər.

19-cu dövrədə Dyun Martinsin önündə liderliyini davam etdirib. Fornaroli isə üçüncü yerə yüksəlib. 20-ci dövrədə isə Lyuk Brouninq əsas düzlükdə Fornarolini keçərək, üçüncü yerə yüksəlib. Lyuk Soft təkərlərin hesabına 2-ci yer üçün də mübarizəyə başlayıb və yenə əsas düzlükdə Martinsi keçərək, ikinci yerə yüksəlib.

25-ci dövrədə Dyun ən yaxın izləyicisi Brouninqlə fərq 6.2 saniyəyə yüksəldib.

26-cı dövrədə isə Fornaroli üçüncü yerdəki Martinsə yaxınlaşıb və podium uğrunda mübarizə qızışıb. Lakin italyan sürücü ötmə edə bilməyib və beşinci yerdəki Marti bu sürücülərlə fərqi azaldıb.

28-ci döngədə isə Fornaroli axır ki, birinci döngədə hücum edərək, Martinsi keçib və üçüncü yerə yüksəlib. Fransalı sürücü əks hücumla üçüncülüyü qaytarmaq istəsə də, alınmayıb.

Yarışın sonlarında isə Xosep Maria Marti rəqibi Fornaroliyə yaxınlaşsa da, onu keçə bilməyib.

Beləliklə Dyun Bəhreyndə damalı bayrağı hamıdan əvvəl keçərək, Formula 2-dəki ilk qələbəsini qazanıb. Lyuk Brouninq ikinci, Leonardo Fornaroli isə üçüncü olublar.

Bunları da oxuyun

Şərh əlavə et