Kokpit.az xatırladır ki, 2025-ci ildə Pirelli sliklərin çeşidinin sayını artırıb – ən yumşaq C6 tərkibi standart C1, C2, C3, C4 və C5-in sırasına əlavə edilib. Melburnda mövsümün ilk mərhələsində komandalar C3, C4 və C5, Çində C2, C3 və C4, Yaponiya və Bəhreyndə isə C1, C2 və C3 üçlüyünü alacaqlar. İlk dörd yarış üçün təkər seçimi keçən ilki ilə eynidir. Bununla belə, Səudiyyə Ərəbistanında keçiriləcək raundda komandalar bir pillə daha yumşaq olan slikləri əldə edəcəklər – C3, C4 və C5.
“Keçənilki təcrübəmizə və yeni tərkiblərin hazırlanması zamanı toplanmış məlumatlara əsaslanaraq, təkərləri seçərkən komandalara və sürücülərə strategiya baxımından daha çox seçim vermək istədik, – Pirelli Racing direktoru Mario İzola Ciddə yarışı üçün təkər seçimini izah edib. – 2024-cü ildə 20 sürücüdən 18-i Mediumda (C3) start götürmüşdü və 7-ci dövrədə təhlükəsizlik maşınından sonra onlardan 14-ü dərhal Hard təkərlərə keçmişdi və finişə elə bu təkərlərlə çatmışdı. Bu il daha yumşaq birləşmələr bir və iki pit-stoplu strategiyalarda daha çox müxtəlifliyə imkan verəcək.”
| Qran Pri / Tərkiblər | С1 | С2 | С3 | С4 | С5 | С6 |
| Avstraliya |  |
 |
 |
|||
| Çin | |
|
|
|||
| Yaponiya | |
|
|
|||
| Bəhreyn | |
|
|
|||
| Səudiyyə Ərəbistanı | |
|
|
Şərh əlavə et