Kokpit.az xatırladır ki, keçən həftə Avstriyada yarışı qazanan Corc Rassell bu gün də Silverstounda poul qazanıb. Britaniyalı sürücü sıralanma turunun son sessiyasında hər iki cəhddə də ən sürətli pilot olub.
Corc Rassell: “Bu gözəl hissdir. Bu ilin əvvəlində poul qazanmağı xəyal belə edə bilməzdik.
Bundan başqa ilk cərgəni bağladıq. Lando isə üçüncü yerdədir. Bir sözlə əladır. Bütün bunları azarkeşlərə borcluyuq. Bizə inanılmaz enerji verirlər. Boliddə hazırda özümüzü əla hiss edirik. Sıralanma turunda sözün əsl mənasında canlandı. Bu trasda sürməkdən həzz aldım.
Hazırda çox həyəcanlıyıq və tamamilə sabahkı yarışa köklənmişik. Bu yarışda qalib gəlməliyik. Lando ilə sıx mübarizə olacaq və əminəm ki, Maks da sürətli olacaq”.
Şərh əlavə et