Lando Norris vətənində sürətli başlanğıc edib

Kokpit.az xatırladır ki, Britaniyada birinci sərbəst yürüşlərdə yağış gözlənilsə də, sessiya tamamilə quru havada keçib və komandalar burada müxtəlif detalları test ediblər.

Ferrari komandası Barselonaya gıtirdiy paketlə əvvəlki paketi müqayisə edib. Red bull isə Maks Ferstappenlə yeni altlığa keçib.

Bundan başqa ilk sessiyada Red Bull-da Serxio Peresi İsaak Hacar, Williams-da Loqan Sarcenti Franko Kolapinto, Haas-da Kevin Maqnusseni Oliver Berman, Alpine-də Pyer Qaslini isə Cek Duhən əvəz edib.

Sessiyanın ilk dəqiqələrində Yuki Tsunoda yerində fırlanaraq çınqıllğa girib. Oskar Piastri isə sessiyanın sonlarında yavaşlayaraq pit yolu girişində dayanıb.

Sürücülər Britaniyadakı ilk sərbəst yürüşlərdə dövrəvi nəticələrə köklənməyiblər. Lando Norris Soft təkərlə 1.27.420 zaman nəticəsi göstətərərək, birinci pillədə qərarlaşıb. Lən Stroll isə yeni ön qanadla britaniyalı sürücüdən 0.134 saniyə geridə qalaraq ikinci olub. Oskar Piastri isə komanda yoldaşından 0.211 saniyə geridə üçüncü yeri tutub.

Medium təkərlə trasa çıxan Maks Ferstappen 0.3 saniyə geridə dördüncü olub. İlk beşliyi isə Ferstappendən sadəcə 0.0093 saniyə geri qalan və Avstriyada mövsümdəki ilk qələbəsini qazanan Corc Rassell bağlayıb.

Aston Martin komandasından Fernando Alonso 0.374 saniyə geridə qalaraq birinci sərbəst yürüşləri 6-cı yerdə qapadıb. Onu bu trasın mütəxəssisi sayılan Lyuis Həmilton izləyib. Ferrari komandasından Şarl Lekler isə iki Dünya Çempionunun arxasında qərarlaşıb.

Onluğu liderdən 0.5 saniyə geridə qalan Karlos Sayns və Alpine komandasının sürücüsü Esteban Okon bağlayıb.

Silverstouna bolluca yenilik gətirmiş Haas komandasının sürücüsü Niko Hülkenberq 11-ci, Valtteri Bottas 12-ci, Daniel Rikkardo 13-cü, Oliver Berman 14-cü, Quanyu Çjou 15-ci yerləri tutublar.

Birinci sərbəst yürüşlərdə son beşliyi isə Alek Elbon, Cek Duhən, Franko Kolapinto, İsaak Hacar və Yuki Tsunoda tutublar.

SIRA	SÜRÜCÜ	#	DÖVRƏ	ZAMAN	ARA	KM/S
1	Lando Norris	4	26	1’27.420		242.594
2	Ləns Stroll	18	22	+0.134 1’27.554	0.134	242.223
3	Oskar Piastri	81	18	+0.211 1’27.631	0.077	242.010
4	Maks Ferstappen	1	25	+0.309 1’27.729	0.098	241.739
5	Corc Rassell	63	26	+0.318 1’27.738	0.009	241.715
6	Fernando Alonso	14	27	+0.374 1’27.794	0.056	241.560
7	Lyuis Həmilton	44	26	+0.438 1’27.858	0.064	241.384
8	Şarl Lekler	16	26	+0.483 1’27.903	0.045	241.261
9	Karlos Sayns	55	27	+0.505 1’27.925	0.022	241.201
10	Esteban Okon	31	24	+0.554 1’27.974	0.049	241.066
11	Niko Hülkenberq	27	22	+0.662 1’28.082	0.108	240.771
12	Valtteri Bottas	77	26	+0.834 1’28.254	0.172	240.301
13	Daniel Rikkardo	3	24	+1.057 1’28.477	0.223	239.696
14	Oliver Berman	50	25	+1.116 1’28.536	0.059	239.536
15	Quanyu Çjou	24	24	+1.170 1’28.590	0.054	239.390
16	Aleks Elbon	23	25	+1.229 1’28.649	0.059	239.231
17	Cek Duhən	61	22	+1.315 1’28.735	0.086	238.999
18	Fabio Kolapinto	45	24	+1.658 1’29.078	0.343	238.078
19	İsaak Hacar	37	15	+1.850 1’29.270	0.192	237.566
20	Yuki Tsunoda	22	5	+2.444 1’29.864	0.594	235.996