Kokpit.az xatırladır ki, ispaniyalı sürücü sprint yarışında Daniel Rikkardonu keçə bilməyib və 5-ci yerlə razılaşıb. Lakin o, sıralanma turunda daha yaxşı performans göstərərək, Ferstappen və Leklerdən sonra üçüncü ola bilib.
Karlos Sayns: “Sprint yarışı bir az pis oldu. Danieli keçə bilmədim, amma orada tempimin olduğunu bilirdim. Bilirdim ki, təmiz dövrə vursam, üçlüyə düşəcəm. Sıralanma turunda təmiz dövrə vura bildim.
Yeni soft təkərlərlə burada sürmək doğrudan da çətindir. Hər dövrə bir macəra ilə üzləşirik. Küləyə görə nə olacağını bilmirsiniz. Bütün bunlar nəzərə alınanda dövrələr pis deyildi. Həmişə dövrəni bitirəndə daha sürətli gedə biləcəyinizi düşünürsünüz, amma burada mükəmməl və təmiz dövrə vurmaq demək olar ki, mümkünsüzdür.
Problem bilrisiniz nədir? Son sessiyada bir dövrə vurursunuz və düşünürsünüz ki, təzə dəst təkərlərlə daha yaxşı dövrə ata bilərəm. Ancaq trasa çıxıb limitdə sürəndə təkərlər çox qızır və kiçik sürüşmə ilə hər şey bitir. Təkərlərin limitlərini tapmaq çox çətindir. Tapanda da çox qızırlar”.
Şərh əlavə et