Red Bull yeni konseptlə də qanadlandı

Red Bull yeni konseptlə də qanadlandı
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Mövsümün ilk yarışı geridə qaldı. Gözlənilən oldu və Maks Ferstappen Bəhreyndə ardıcıl ikinci mövsümdə qazana bildi.

Maks Ferstappen şənbə günü sıralanma turunda Piastridən aldığı hava kisəsinin hesabına poul qazanmışdı. Hətta Lando Norris son cəhdində ilk sektorda səhv etməsə, böyük ehtimalla yarışa pouldan başlaya bilərdi. Lakin əvvəldən əksəriyyət Red Bull-un sıralanma turunda nisbətən zəif, yarış tempində isə daha güclü olacağını düşünürdü. Elə də oldu.

Niderlandlı sürücü startdan sonra hər dövrə fərqi açaraq, rəqiblərindən uzaqlaşdı. Leklerin hər dövrə təkərləri bloklaması və tras xaricinə çıxması da son iki ilin Dünya Çempionuna yarayan amillərdən oldu. Bundan başqa Serxio Peresin də beşinci yerdən başlayıb yarışı ikinci yerdə bitirməsi “qırmızı öküzlər”in yarış tempindəki qüdrətini göstərdi.

Maks Ferstappen Bəhreyndə karyerasının 33-cü poulunu, 55-ci qələbəsini və 99-cu podiumunu bayram etdi. Yəni ki, üçqat Dünya Çempionu üçün əsl cütrəqəmli həftəsonu idi.

Ferrari komandası isə testlərdən sonra ən sürətli ikinci komanda hesab olunurdu və nəticələr də bunu təsdiqlədi. Ferrari mexanikləri yarışdan əvvəl Şarl Leklerin maşınında əyləc balansını dəyişdiyi üçün monakolu sürücü gah təkərləri kilitlədi, gah da tras xaricinə çıxdı. Buna baxmayaraq, yarışı 4-cü yerdə bitirə bildi.

Karlos Sayns isə məncə, günün əsl qəhrəmanı idi. İspniyalı sürücü ilin sonunda Ferrari-dən gedəcək və digər komandalara özünü yaxşı tərəfdən göstərməli idi. Elə də etdi. Tras üzərində həm Lekleri, həm də Rasselli keçərək podiumun son pilləsinə yüksəldi və bu ispaniyalı sürücü üçün ən yaxşı mövsüm başlanğıcı oldu.

Günün problem yaşayan digər komandası Mercedes idi. “Gümüşü oxlar” ikinci sərbəst yürüşlərdə ilk iki yeri tutaraq, azarkeşlərini ümidləndirmişdilər. Sıralanma turu da onlar üçün pis keçməmişdi və Corc Rassell ilə ikinci cərgəyə yerləşmişdilər. Lakin “alman maşını” yarışda gözlənildiyi kimi işləmədi. Əvvəlcə Lyuis Həmiltonun maşınında batareya problemi yaşandı. Sonra isə Corc Rassellin motorunda soyutma problemləri başladı. Beləliklə, Rassell mövsümün ilk yarışında podiumu əldən verməli oldu.

Mövsümün ən böyük məyusluğu isə hələki Alpine komandasıdır. Fransızlar hələki peletonun açıq-ara outsayderləridirlər. Lakin unutmayaq ki, Alpine baza komandasıdır və növbəti yarışlarda sürətlənə bilərlər. Biz onlarda belə halı dəfələrlə görmüşük.

Mövsümün ikinci yarışı bu həftəsonu Ciddədə olacaq. Bəs orada Maks Ferstappenin qarşısını kəsən tapılacaq?

Bunları da oxuyun

Şərh əlavə et