Kokpit.az xatırladır ki, fransalı sürücü daha əvvəl Azərbaycan Qran Prisində üçüncü olaraq, podium qazanıb. 29 yaşlı pilotun bu həftəsonu əsas məqsədlərindən biri onluğa düşməkdir.
Pyer Qasli: “Bizi çətin və ardıcıl üç yarışdan ibarət olduqca gərgin mövsüm mərhələsi gözləyir. Bakıda həmişə mürəkkəb məsələləri həll etmək lazım gəlir və burada çıxış etmək xoşuma gəlir. Trasın həm sürətli, həm də dolanbac hissələrini çox bəyənirəm. Ötmək üçün çoxsaylı imkanlar olduğuna görə burada yarışlar adətən maraqlı keçir.
Görək, bu nəsil bolidlər özünü necə göstərəcək. Amma əminəm ki, bizi ciddi sınaq gözləyir. Ümid edirəm, hazırkı rəqabət qabiliyyətimizi qoruyub saxlaya biləcəyik. Komanda hazırda yaxşı çıxış edir və qarşıdakı ardıcıl üç yarış ərzində də eyni tempdə davam etmək vacibdir.
2021-ci ildə Bakıda podiuma yüksəlmişdim. Lakin son illərdə bu trasda komandamız üçün hadisələr o qədər də yaxşı inkişaf etməyib. Cümə axşamı məhsuldar işləməyə və bolidin potensialını sıralama turlarında tam üzə çıxarmağa imkan verəcək sazlamaları tapmağa çalışacağıq. Ümid edirəm, yenidən start düzümündə daha yuxarı mövqelərdə yer alacaq və xal uğrunda mübarizə aparmaq şansı qazanacağıq”.
Şərh əlavə et