Bu il həftəsonunun cədvəli də bir qədər fərqlidir. Yarış bazar günü deyil, şənbə günü keçiriləcək. Buna görə də ilk məşq sessiyaları cümə axşamı, sıralama turları isə cümə günü baş tutacaq.
Ayо Komatsu, Hass komandasının rəhbəri: “Məncə, Madrinqdə keçirilən əvvəlki mərhələdə komandamız inamlı çıxış edib. Bazar günü xal qazana bilmədiyimiz üçün məyus olsaq da, yarışda yaxşı temp nümayiş etdirdik. Bu, Monzada başladığımız inkişafın davamı olaraq ciddi irəliləyiş idi.
Bu, komandanın son texniki yeniliklərə çox sürətlə uyğunlaşdığını göstərir. Həmin yeniliklər həqiqətən də effektiv oldu.
İndi Azərbaycan Qran Prisinin keçiriləcəyi Bakı Şəhər Halqasına yollanırıq. Bu yarışın xüsusi tarixi və özünəməxsus atmosferi var. Hər kəs bu həftəsonunu səbirsizliklə gözləyir.
Çətin şəhər trasında həm uzun düzlüklər, həm də İçərişəhərdə yerləşən çox dar hissələr var. Buna görə də mühəndislər bolidi düzgün sazlamaq üçün mürəkkəb məsələləri həll etməlidirlər.
Monza və Madrinqdə başlayan irəliləyişi davam etdirmək niyyətindəyik. Məqsədimiz hadisələrin istənilən ssenari üzrə inkişaf edə biləcəyi trasda VF-26-nın potensialını tam şəkildə üzə çıxarmaqdır”.
Şərh əlavə et