Kokpit.az xatırladır ki,fransalı sürücü bu mövsüm heç də gözləntiləri qarşılamır. Hətta onun Haas komandasından göndəriləcəyi, yerinə isə Leonardo Fornaroli və ya Rafael Kamaranın gətirələcəyi iddia edilir. Buna görə də, 30 yaşlı pilot paytaxtımızda özünü yaxşı tərəfdən göstərmək istəyir.
Esteban Okon: “Son vaxtlar komandamız yaxşı çıxış edir və bu, ümidvericidir. Düzgün istiqamətdə işləyirik, bolidimiz sabitdir, texniki yeniliklər də öz təsirini göstərir.
Qarşıda ardıcıl üç yarış var və bu seriyaya yaxşı hazırlaşmaq, tam istirahət etməyə çalışmaq və düzgün psixoloji köklənməni qorumaq vacibdir. Bu, komandadakı hər kəsə aiddir.
Əslində, qarşıdakı üç həftə ərzində kollektiv daha da möhkəmlənə bilər. Çünki müəyyən iş ritminə daxil oluruq və mövsümün bu mərhələsində artıq bir-birimizi yaxşı başa düşürük.
Bakıda maraqlı və çətin, möhtəşəm tras var. Madrinqdə olduğu kimi, burada da tempi bütün sessiyalar ərzində tədricən artırmaq lazımdır. Çünki səhvlər çox baha başa gəlir. Artıq işə başlamaq üçün səbirsizlənirəm”.
Şərh əlavə et