Honda 2026-cı il mövsümündə qüvvəyə minən yeni güc qurğusu qaydaları çərçivəsində Aston Martin ilə mühərrik tərəfdaşlığına başlayıb.
Lakin həm Aston Martin, həm də Honda öz tərəflərində müxtəlif problemlərlə mübarizə apararkən, iki tərəf mövsümün ilk yarışlarında kifayət qədər çətin dövr keçirib.
Aston Martin son olaraq Budapeştdə keçirilən Macarıstan Qran Prisində bolidə genişmiqyaslı yeniliklər gətirib. Honda isə Zandvoortda keçiriləcək Niderland Qran prisi ilə birlikdə öz yeniləməsini istifadəyə verməyə hazırlaşır.
Aston Martin-Honda tərəfdaşlığını dəyərləndirən Ədrian Nyui belə deyib: “Əsas irəliləyiş məhz buradadır: münasibətlərdə.
Yalnız ‘fəlakətli başlanğıc’ adlandırıla biləcək prosesdən çıxardığımız müsbət nəticə Honda ilə çox yaxın iş münasibəti qurmağımızdır. Bu proses Honda ilə bizi daha sıx əməkdaşlığa məcbur etdi”.
Aston Martin-in Macarıstan Qran Prisində gətirdiyi yeniliklər komandanın dövrə vaxtlarında əhəmiyyətli irəliləyiş əldə etməsinə kömək edib. Lakin britaniyalı komanda hələ də öndəki komandalarından bir neçə saniyə geridə qalır.
Nyui Aston Martin ilə Honda arasındakı münasibətlərin uyğun şəkildə davam etdirilməsinin böyük əhəmiyyət daşıdığını bildirib və performans artımının da bunun ardınca gələcəyinə inandığını vurğulayıb.
Ədrian Nyui sözlərini belə davam etdirib: “Bu münasibətləri hər sahədə inkişaf etdirməyə davam edirik. Buna görə münasibətlər baxımından əldə etdiyimiz irəliləyişdən olduqca məmnunam. Münasibətlər inkişaf etdikcə performans da inkişaf edir”.
Şərh əlavə et