Sessiyadan əvvəl havanın temperaturu 25°C, asfaltın temperaturu isə 43°C ölçülüb. Son hazırlıqlardan sonra Q1-ə start verilib və Silverstounda sıralama turunun həyəcanı başlayıb.
Q1: Red Bull Hacarla zirvədə, Louson ikinci
18 dəqiqəlik Q1 sessiyasında Haas pilotu Oliver Berman 1:31.315 nəticə ilə təxminən beş dəqiqə ərzində lider olub. Berman bu müddətdə Esteban Okon, Niko Hülkenberq, Serxio Peres, Liam Louson və Ləns Stroll kimi pilotları arxada saxlayıb. Daha sonra favoritlərin sürətli dövrələri başlayıb.
Şarl Lekler ilk cəhdində vurduğu 1:29.534 nəticə ilə liderliyə yüksəlib. Lyuis Həmilton isə komanda yoldaşından təxminən 0.110 saniyə geri qalaraq ikinci olub.
Lando Norris 1:30.186 nəticə ilə üçüncü, Maks Ferstappen isə 1:30.219-la dördüncü pilləyə yüksəlib.
İlk sürətli dövrəsinə başlayan Corc Rassell döngədə sərt təkər bloklaması yaşayıb, çınqıllığa çıxaraq baryerlərə qədər sürüşüb. Onun ön sol təkəri baryerə yüngül toxunsa da, boliddə ciddi zədə yaranmayıb. Yalnız ön qanadda cüzi əyilmə müşahidə olunub və hadisədən sonra qısa müddətlik sarı bayraqlar göstərilib.
Rassell komandasına radio vasitəsilə belə deyib: “Karyeram ərzində nə belə bloklanma görmüşəm, nə də yaşamışam.”
Komanda rəhbəri Toto Volfun təəccübü də kameralara əks olunub. Rassell trasa qayıtdıqdan sonra bolidin yoxlanılması üçün boksa dönüb.
Q1-in bitməsinə üç dəqiqə qalmış ilk dövrəsini tamamlayan Rassell 1:29.985 nəticə ilə beşinci yerə yüksəlib. Üçüncü yerdə olan komanda yoldaşı Kimi Antonelli isə 1:30.261 nəticə göstərərək vaxtını yaxşılaşdıra bilməyib.
Ferstappen 1:29.549 nəticə ilə üçüncü yerə yüksəlib, komanda yoldaşı Ayzek Hacar isə 1:29.276 nəticə ilə liderliyi ələ keçirib.
Pyer Qasli 1:30.345 nəticə ilə mübarizəni davam etdirməyi bacarıb. Franko Kolapinto isə son anlarda yerində fırlanıb. Hadisədən sonra qısa müddətlik sarı bayraqlar göstərilib. Kolapinto baryerə dəymədən trasa qayıtsa da, Q1-də mübarizəni dayandırıb.
Beləliklə, Aston Martin və Cadillac pilotları ilə yanaşı Franko Kolapinto və Esteban Okon da Q1-də mübarizəni başa vurublar.
Əslində Qabriel Bortoleto ələnmək üzrə idi, lakin son cəhdində tempi artıraraq 12-ci yerə yüksəlib və növbəti mərhələyə vəsiqə qazanıb.
Trası təmizləmək üçün marşallara vaxt verildiyindən Q2 sessiyasının startı bir qədər gecikib.
| Sıra | Pilot | Komanda | Vaxt | Fərq | Dövrə |
|---|---|---|---|---|---|
| 1 | Ayzek Hacar | Red Bull Racing | 1:29.276 | – | 6 |
| 2 | Liam Louson | RB F1 Team | 1:29.300 | +0.024 | 9 |
| 3 | Şarl Lekler | Ferrari | 1:29.534 | +0.258 | 6 |
| 4 | Niko Hülkenberq | Audi | 1:29.539 | +0.263 | 9 |
| 5 | Maks Ferstappen | Red Bull Racing | 1:29.549 | +0.273 | 6 |
| 6 | Lyuis Həmilton | Ferrari | 1:29.644 | +0.368 | 5 |
| 7 | Arvid Lindblad | RB F1 Team | 1:29.661 | +0.385 | 8 |
| 8 | Kimi Antonelli | Mercedes | 1:29.719 | +0.443 | 6 |
| 9 | Oskar Piastri | McLaren | 1:29.971 | +0.695 | 6 |
| 10 | Corc Rassell | Mercedes | 1:29.985 | +0.709 | 5 |
| 11 | Lando Norris | McLaren | 1:30.186 | +0.910 | 5 |
| 12 | Qabriel Bortoleto | Audi | 1:30.269 | +0.993 | 4 |
| 13 | Pyer Qasli | Alpine | 1:30.345 | +1.069 | 6 |
| 14 | Karlos Sayns | Williams | 1:30.562 | +1.286 | 9 |
| 15 | Oliver Berman | Haas F1 Team | 1:30.570 | +1.294 | 9 |
| 16 | Aleks Elbon | Williams | 1:30.638 | +1.362 | 8 |
| 17 | Esteban Okon | Haas F1 Team | 1:30.680 | +1.404 | 9 |
| 18 | Valtteri Bottas | Cadillac-Ferrari | 1:31.227 | +1.951 | 8 |
| 19 | Franko Kolapinto | Alpine | 1:31.321 | +2.045 | 5 |
| 20 | Serxio Peres | Cadillac-Ferrari | 1:31.940 | +2.664 | 9 |
| 21 | Ləns Stroll | Aston Martin Racing | 1:32.863 | +3.587 | 9 |
| 22 | Fernando Alonso | Aston Martin Racing | 1:32.888 | +3.612 | 9 |
Q2: Antonelli son anda lider oldu, Ferrari Leklerin başçılığı ilə ilk üçlükdə
Q2-də ilk olaraq trasa çıxan Maks Ferstappen sürətli dövrəsinə başlamazdan əvvəl radio ilə belə deyib: “Mühərrik normal reaksiya vermir.”
Ferstappen 1:29.308, komanda yoldaşı Hacar isə 1:29.183 nəticə göstərərək müvəqqəti liderliyə yüksəlib.
Ardınca Ferrari pilotları sürətli dövrələrini tamamlayıblar. Şarl Lekler 1:29.069, Lyuis Həmilton isə 1:28.864 nəticə ilə rekord vuraraq ilk yerə yüksəlib.
Corc Rassell 1:28.920 nəticə ilə Lekleri geridə qoyaraq Həmiltonun arxasında ikinci olub. Komanda yoldaşı Kimi Antonelli isə sürətli dövrəsi zamanı trasın xaricinə çıxaraq cəhdini yarımçıq saxlayıb. Növbəti cəhdində 1:29.043 nəticə göstərərək Rassellin arxasında qərarlaşıb.
Sonrakı dəqiqələrdə Red Bull pilotları istisna olmaqla bütün sürücülər sazlamalar üçün boksa dönüblər. Təmiz trasda Ferstappen 1:29.113, Hacar isə 1:29.060 nəticə göstərib.
Dövrəsini tamamladıqdan sonra Ferstappen narazılığını belə ifadə edib: “Tam bir məyusluq, fəlakətdir.”
Sessiyanın son dəqiqələrində yenidən sürətli dövrələrə başlayan pilotlardan Şarl Lekler 1:28.626 nəticə ilə liderliyə yüksəlib. Lyuis Həmilton komanda yoldaşından 0.238 saniyə geri qalaraq ikinci olub.
Damalı bayraq dalğalandıqdan az sonra Kimi Antonelli 1:28.493 nəticə göstərərək Lekleri geridə qoyub və Q2-ni lider tamamlayıb.
Beləliklə, Audi və Williams pilotları ilə yanaşı Oliver Berman və Pyer Qasli də Q2-də mübarizəni dayandırıblar.
| ıra | Pilot | Komanda | Vaxt | Fərq | Dövrə |
|---|
| 1 | Kimi Antonelli | Mercedes | 1:28.493 | – | 13 |
| 2 | Şarl Lekler | Ferrari | 1:28.626 | +0.133 | 12 |
| 3 | Lyuis Həmilton | Ferrari | 1:28.864 | +0.371 | 11 |
| 4 | Corc Rassell | Mercedes | 1:28.920 | +0.427 | 11 |
| 5 | İsak Həccar | Red Bull Racing | 1:29.069 | +0.576 | 12 |
| 6 | Maks Ferstappen | Red Bull Racing | 1:29.113 | +0.620 | 12 |
| 7 | Oskar Piastri | McLaren | 1:29.218 | +0.725 | 12 |
| 8 | Arvid Lindblad | RB F1 Team | 1:29.324 | +0.831 | 14 |
| 9 | Lando Norris | McLaren | 1:29.383 | +0.890 | 11 |
| 10 | Liam Louson | RB F1 Team | 1:29.429 | +0.936 | 15 |
| 11 | Qabriel Bortoleto | Audi | 1:29.461 | +0.968 | 10 |
| 12 | Pyer Qasli | Alpine | 1:30.063 | +1.570 | 12 |
| 13 | Niko Hülkenberq | Audi | 1:30.076 | +1.583 | 15 |
| 14 | Oliver Berman | Haas F1 Team | 1:30.501 | +2.008 | 15 |
| 15 | Karlos Sayns | Williams | 1:30.623 | +2.130 | 15 |
| 16 | Aleks Elbon | Williams | 1:30.743 | +2.250 | 14 |
Q3: Antonelli poul qazandı, Ferrari ilk üçlükdə
Q3-də ilk sürətli dövrəsini tamamlayan Oskar Piastri 1:29.231 nəticə göstərib. Liam Louson son anda dövrəsini yarımçıq saxlayıb, Lando Norris isə 1:29.315 nəticə əldə edib.
Ferstappen qısa müddətlik liderliyə yüksəlsə də, daha sonra Şarl Lekler və Lyuis Həmilton onu geridə qoyublar. Son sözü isə Kimi Antonelli deyib. Gənc italiyalı pilot 1:28.385 nəticə ilə ilk cəhdlərdən sonra lider olub. Corc Rassell komanda yoldaşından cəmi 0.096 saniyə geri qalıb.
Ardıcıl sürətli dövrələrdən sonra bütün pilotlar sazlamalar və məlumatların təhlili üçün boksa qayıdıblar.
Q3-ün başa çatmasına təxminən üç dəqiqə yarım qalmış pilotlar yenidən trasa çıxaraq poul uğrunda son cəhdlərini ediblər. İlk dövrəyə başlayan Antonelli öz nəticəsini daha da yaxşılaşdıraraq 1:28.111 nəticə göstərib.
Lyuis Həmilton və Şarl Lekler Antonellinin tempinə çata bilməsələr də, Corc Rasselli geridə qoyublar. Bununla Lekler ikinci, Həmilton isə üçüncü pilləyə yüksəlib.
Beləliklə, 2026-cı il Britaniya Qran Prisinin poul mövqeyi Kimi Antonelliyə qismət olub.
| Sıra | Pilot | Komanda | Vaxt | Fərq | Dövrə |
|---|---|---|---|---|---|
| 1 | Kimi Antonelli | Mercedes | 1:28.111 | – | 19 |
| 2 | Şarl Lekler | Ferrari | 1:28.286 | +0.175 | 18 |
| 3 | Lyuis Həmilton | Ferrari | 1:28.458 | +0.347 | 17 |
| 4 | Corc Rassell | Mercedes | 1:28.481 | +0.370 | 17 |
| 5 | İsak Həccar | Red Bull Racing | 1:28.746 | +0.635 | 18 |
| 6 | Lando Norris | McLaren | 1:28.877 | +0.766 | 17 |
| 7 | Maks Ferstappen | Red Bull Racing | 1:28.893 | +0.782 | 18 |
| 8 | Oskar Piastri | McLaren | 1:29.032 | +0.921 | 18 |
| 9 | Arvid Lindblad | RB F1 Team | 1:29.305 | +1.194 | 17 |
| 10 | Liam Louson | RB F1 Team | 1:29.716 | +1.605 | 20 |
Şərh əlavə et