Honda Racing-in baş mühəndisi və yarış briqadasının rəhbəri Şintaro Orihara Silverstounda jurnalistlərə açıqlamasında bildirib ki, Yaponiya istehsalçısı yay fasiləsindən sonrakı ilk mərhələ olan Zandfort Qran Prisi üçün Aston Martin-ə yeni güc qurğusu hazırlayır.
Şintaro Orihara: “Məqsədimiz Zandfort mərhələsinə qədər Honda-nın yeni güc qurğusunu hazır vəziyyətə gətirməkdir.
Biz çoxsaylı kiçik yeniləmələr əvəzinə, bir böyük yenilənmə strategiyasını seçmişik. Düşünmürəm ki, tək bu addımla Mercedes və Red Bull-un mühərriklərinə çata biləcəyik. Lakin Zandfortda kifayət qədər böyük irəliləyiş əldə edəcəyik.
Bundan sonra əsas rəqiblərimizə çatmaq üçün daha bir addım atmalı olacağıq”.
Şərh əlavə et