Fransalı sürücü Monakoda yarışı ilk üçlükdə başa vursa da, yarışdan sonra aldığı iki ayrı 5 saniyəlik cəza səbəbindən damalı bayraqdan sonrakı yekun sıralamada geriləmişdi.
Alpine yarışın nəticələrinə etiraz edərək pilotun pit yolunda sürət limitini aşdığı iddiası ilə verilən cəzaların ləğv olunmasını tələb etmişdi. Komandanın müraciəti qəbul edilmiş və sözügedən cəzələr qüvvədən salınmışdı.
Bununla da Qasli yenidən üçüncü pilləyə yüksəlmişdi. Nəticədə Red Bull komandasının pilotu Ayzek Hacar isə yeni komandası ilə qazandığı ilk podium nəticəsini itirmişdi.
Qərardan sonra Qasli Monako Qran Prisində əldə etdiyi üçüncülük kubokuna da qovuşub. Lakin buna baxmayaraq, yarışın yekun nəticələri hələ də tam rəsmiləşməyib.
Red Bull və McLaren Alpine-in xeyrinə çıxarılan qərarın öz nəticələrinə təsir etdiyini bildirərək ayrı-ayrılıqda etiraz ediblər.
Hazırda həmin etirazların nə vaxt yekunlaşacağı məlum deyil. Məsələ ilə bağlı qərarın qarşıdakı bir neçə həftə ərzində veriləcəyi gözlənilir.
Şərh əlavə et