Kokpit.az xəbər verir ki, Franko Kolapinto sarı bayraqların qüvvədə olduğu zonada kifayət qədər yavaşlamadığına görə finişdən sonra nəticəsinə 10 saniyə əlavə olunmaqla cərimələnib. Bundan başqa, o, bir cərimə balı da alıb və son 12 aylıq dövrdə onun ballarının sayı ikiyə çatıb. Cərimə tətbiq edildikdən sonra Alpine sürücüsü səkkizinci yerdən onuncu yerə düşüb.
Kimi Antonelli yarışın gedişində tras hüdudlarını dörd dəfə pozduğuna görə yekun protokolda nəticəsinə beş saniyə əlavə olunmaqla cərimələnib.
Williams komandası isə hər biri beş min avro olmaqla iki dəfə cəzalandırılıb. Komanda ilk cəriməni isinmə dövrəsinin başlanğıcında Aleks Elbonun maşınının altında ön sağ təkərin qızdırıcı örtüyünün bir hissəsi ilişib qaldığına görə alıb.
İkinci cərimə isə Karlos Saynsın mexaniklərinin isinmə dövrəsinin startına 15 saniyə qaldığını bildirən siqnaldan sonra startdakı yerinin yanında, otluq sahədə avadanlıq saxlamasına görə yazılıb.
Şərh əlavə et