Cadillac komandası Barselona-Kataloniya Qran Prisindən sonra keçiriləcək Pirelli təkər testlərində iştirak edəcək. Komandanın rəhbəri Qrem Loudonun sözlərinə görə, məhz həmin testlərdə Çjou sükan arxasına keçəcək.
Qrem Loudon: “Bilirəm ki, Çjou sükan arxasına keçib yeni maşını qiymətləndirməkdən məmnun olacaq. O, simulyatorda çox vaxt keçirir və əlbəttə ki, bütün Qran Prilərə gəlir. Düşünürəm ki, bu ona xoş olacaq.
Bu testlər bizim üçün onu dəyərləndirmək baxımından yaxşı imkan olacaq və əminəm ki, o, tapşırığın öhdəsindən gələcək.
Mən Çjounun Formula 1-dəki bütün karyerasını izləmişəm və əsas pilotlarımızdan birində problem yaransa, onu sükan arxasına keçirməkdə heç bir tərəddüdüm olmaz. Amma əlbəttə, ümid edirik ki, buna ehtiyac qalmayacaq”.
Şərh əlavə et