Söhbət güc qurğularında elektrik hissəsinin payının azaldılmasından gedirdi. Raşbruk eyni zamanda Ford-un 2030 və ya 2031-ci ildə Formula 1-in atmosfer V8 mühərriklərinə keçidini də dəstəklədiyini bildirib.
Mark Raşbruk: “FIA və Formula 1-in artıq növbəti reqlamenti müzakirə etməsi xoşdur. Biz də maraqlı tərəfik və bu mövzuda öz baxışımız var. Ford çoxlu atmosfer V8 mühərrikləri istehsal edir və biz Formula 1-də də V8 mühərriklərini görmək istərdik”.
Atmosfer V8 mühərriklərinə keçid ideyasını General Motors korporasiyası da dəstəkləməyə hazırdır. Bu ildən Formula 1-də Cadillac komandası ilə təmsil olunan GM-in prezidenti Mark Royss mövzu ilə bağlı belə danışıb:
Mark Royss: “Mən V8 mühərriklərini və onların səsini sevirəm. Amma yeni komanda olaraq biz hibrid V6 güc qurğularına qoyulan investisiyalara hörmətlə yanaşırıq.
Lakin Formula 1, FIA və komandalar V8-ə qayıtmağın lazım olduğunu desələr, biz buna hazır olacağıq”.
Cadillac komandası debüt mövsümündə Ferrari-nin müştəri güc qurğularından istifadə edir. General Motors-un öz mühərriyinin ən tez 2028-ci ildə hazır olacağı gözlənilir.
Amma Formula 1 həqiqətən 2030 və ya 2031-ci ildə daha sadə V8 mühərriklərinə keçid qərarı versə, GM hibrid güc qurğusu proqramını dayandıra və V8 dövrünə qədər müştəri komanda kimi fəaliyyətini davam etdirə bilər.
Şərh əlavə et