Artıq məlum olub ki, Lambiase Red Bull ilə mövcud müqaviləsinin sonuna qədər işləyəcək və yalnız 2028-ci ildə McLaren-ə qoşulacaq. Sky Sports News-un məlumatına görə, o, Britaniya təmsilçisində konkret vəzifə də alacaq.
Britaniya telekanalının iddiasına əsasən, Lambiase McLaren-in yarış mühəndisliyi departamentinə rəhbərlik edəcək və Qran Prilər zamanı trasda komandanın bütün mühəndislərinin işinə cavabdeh olacaq. Onun vəzifələri komanda rəhbəri Andrea Stellanın səlahiyyətləri ilə üst-üstə düşməyəcək və Stella öz postunda qalacaq.
Cianpyero Lambiase 2016-cı ildən Maks Ferstappenlə işləyir. Mühəndisin Red Bull-dan ayrılması fonunda artıq dördqat dünya çempionunun gələcək planları ilə bağlı suallar səslənməyə başlayıb. Ferstappenin komandası ilə müqaviləsi 2028-ci ilin sonuna qədər qüvvədədir, lakin müəyyən şərtlər daxilində daha əvvəl də ləğv oluna bilər.
Şərh əlavə et