Yarışın gedişində Suzukada komandalar Soft tərkibli təkərlərdən istifadə etməyiblər, demək olar hamı eyni strategiyanı seçib və məsafəni bir pit-stopla qət edib.
Pirelli Motorsport direktoru Dario Marraffuski: “Bütün komandalar nəzəri olaraq ən sürətli hesab edilən strategiyanı seçdi. Hard-la start alan Valtteri Bottas fərqli seçim edən yeganə sürücü oldu.
Aydındır ki, heç bir komanda ən yumşaq tərkiblə startda və ya son hissədə risk etmədi, halbuki əvvəlki günlərdə aşağı aşınma səbəbilə bu variant kifayət qədər işlək idi. Aleks Elbonun C3 tərkiblərindən istifadəsi isə onun çoxsaylı pit-stoplarını nəzərə alsaq, açıq şəkildə taktiki qərar olmayıb.
Oliver Bermanın qəzası nəticəsində trasa çıxan təhlükəsizlik maşını “undercut” etməyənlərə, o cümlədən yarışın qalibi Kimi Antonelliyə üstünlük verdi. Biz hesab edirik ki, təhlükəsizlik maşını olmasaydı belə, pit-stoplar növbəti dövrələrdə yenə baş tutacaqdı.
Yaponiya səfərimiz bununla bitmir – çərşənbə axşamı və çərşənbə günləri Suzukada növbəti mövsüm üçün quru təkər prototipləri ilə iki günlük test keçirəcəyik. Bu dəfə maşınları bizə Red Bull və Racing Bulls təqdim edəcək”.
Şərh əlavə et