Yaponiyaya gətirilən yeniliklər

Yaponiyaya gətirilən yeniliklər
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Komandalar yeni bolidləri tədricən mənimsəyirlər və şübhə yoxdur ki, Böyük Britaniya, İtaliya və artıq ABŞ-da (Cadillac F1 layihəsi üçün) yerləşən bazalarda testlərdən və mövsümün ilk iki mərhələsindən toplanan məlumatlar əsasında yeniliənmə işləri maksimum intensivliklə aparılıb.

Bununla belə, Avstraliya ilə Yaponiya arasındakı qısa müddətdə kimsənin prinsipial yeni həll hazırlaması real görünməyib. Suzukada bu gün 11 komandadan 7-si yeniliklər təqdim edib və bunlar ən yaxşı halda testlərdən sonra hazırlanmış olub. Əksər yeniliklər planlı şəkildə hazırlanıb, çünki 2026-cı ildə inkişaf tempi çox yüksək olacaq.


Red Bull Racing

Red Bull-da yeniliklərin siyahısı çox geniş olub və dörd əsas dəyişiklik edilib.

Yan pontonların hava girişinin forması dəyişdirilib, bu da şassi və altlıq (floor) üzərində dəyişikliklərə səbəb olub. Bu forma sayəsində daxil olan hava axınının təzyiqi artırılıb və sistem daha effektiv işləməyə başlayıb.

Buna uyğun olaraq RB22-nin yan pontonlara bitişik hissələrinin – xüsusilə mühərrik örtüyünün  profili yenilənib. Bu dəyişikliklər həm soyutmanı yaxşılaşdırıb, həm də döşəməyə yönələn hava axınının keyfiyyətini artırıb.

Döşəmənin üst səthində də dəyişikliklər edilib. Arxa hissədəki yeniliklər isə Suzukanın xüsusiyyətlərinə uyğunlaşdırılıb, xüsusilə əyləc hava kanallarının geometriyası yüksək əyləc yüklərinə görə yenidən işlənib.


Ferrari

Şarl Lekler və Lyuis Həmiltonun bolidlərində ön əyləc hava kanalları daha kiçik ölçüdə hazırlanıb. Bu, Suzukadakı əyləc yüklərinə uyğunlaşdırılıb.

Eyni zamanda SF-26-nın döşəməsinin ön hissəsində dəyişikliklər edilib. Bu yeniliklər konkret Suzukaya yox, ümumi olaraq hava axınının keyfiyyətini artırmağa və döşəmənin effektivliyini yüksəltməyə yönəlib.


Williams

Williams komandası ciddi problemlərlə üzləşib. Belə ki, FW-48 artıq çəki və aşağı effektivlikdən əziyyət çəkib.

Komanda ön asılqan strukturunu dəyişdirib. Bu addım hava axınının altlığa daha səmərəli yönləndirilməsinə kömək edib və aerodinamik parametrləri yaxşılaşdırıb.


Aston Martin

Aston Martin-də də ciddi inkişaf işləri davam edib.

Ön qanadda üçüncü element daraldılıb və qısaldılıb, buna uyğun olaraq endplate-lərin geometriyası dəyişdirilib. Bu, qanadın kənarlarında aerodinamik yükün daha optimal paylanmasına imkan verib.

Bundan əlavə, döşəmənin ön kənarının və üzərindəki elementlərin geometriyası yenidən işlənib. Məqsəd bu kritik zonanın effektivliyini artırmaq olub.


Haas F1 Team

Amerika komandası ön qanadın hərəkətli elementlərinin idarəetmə sistemini sadələşdirib.

Bu elementlər kiçildilib, nəticədə arxaya yönələn hava axını üçün maneələr azalıb və axının keyfiyyəti yaxşılaşdırılıb.


Alpine F1 Team

A526 modelində ön hissədə yerləşən deflektorların konstruksiyası dəyişdirilib və bu da hava axınının keyfiyyətinə təsir edir.

Arxa qanadda hərəkətli elementin geometriyası yenilənib ki, həm döngələrdə, həm də düzlükdə effektivlik artsın. Endplate-lərin aşağı hissəsinin profili də dəyişdirilib və bu, arxa hissədə hava axınına müsbət təsir göstərərək əlavə aerodinamik yük yaradıb.


Cadillac F1

Yeni Amerika komandası diffuzorun effektivliyini artırmaq üçün onun daxili bölmələrinin (separatorlarının) geometriyasını dəyişdirib.

Bundan əlavə, diffuzorun arxa kənarının profili yenilənib ki, ümumi iş prinsipi daha optimal olsun.

Bunları da oxuyun

Şərh əlavə et