Üstəlik, bundan əvvəl italyan sürücünün podiumun ən yüksək pilləsinə qalxması təxminən 20 il əvvəl baş verib: 19 mart 2006-cı ildə Cankarlo Fizikella Renault komandasında çıxış edərkən, Malayziya Qran Prisini qazanıb.
Pirelli mütəxəssislərinin proqnozlaşdırdığı kimi, Şanxay trasında ən sürətli taktika bir pit-stop strategiyası olub: startda Mercedes komandasında Antonellinin maşınında Medium tərkibli təkərləri olub, yarışın ikinci hissəsini isə o, Hard təkərlərə keçib. Baxmayaraq ki, Kiminin komanda yoldaşı Corc Rassell yarışın əvvəlində yalnız bir dəfə boksa girməyin mümkün olacağına şübhə edirdi, bu taktika onda da işləyib və o, ikinci yerdə finişə çatıb.
Mercedes komandasının sürücüləri təkərlərlə ehtiyatla işləyiblər və bu da onlara Hard komplekti ilə 46 dövrə qət etməyə imkan verib. Hər iki sürücü 10-cu dövrədə, trasa təhlükəsizlik avtomobili çıxan vaxt bu təkərlərə keçib.
Dario Marrafuski (Pirelli Motorsport direktoru): “Əvvəlcə Kimi Antonellini Formula 1-də ilk qələbəsi münasibətilə təbrik etmək istəyirəm. İtalyan sürücünün sonuncu dəfə belə uğur qazanmasından düz iyirmi il keçmişdi və bu gün biz çoxlu ötmələr və gözlənilməz hadisələrlə yadda qalan yarışın finişində tarixi anın şahidi olduq.
Gözlənildiyi kimi, Şanxayda ən effektiv taktika bir pit-stop strategiyası oldu və 9-cu dövrədə təhlükəsizlik avtomobili çıxmasına baxmayaraq komandalar yanaşmalarını dəyişmədilər. Medium tərkibli təkərlərlə start alan sürücülər üçün pit-stop pəncərəsi komandaların planlaşdırdığından bir qədər əvvəl açıldı.
On sürücü son hissədə 45 dövrədən çox məsafə qət etdi, baxmayaraq ki, onların təkərlərinin yeyilmə səviyyəsi artıq kritik həddə yaxın idi. Bununla belə, son dövrələri kifayət qədər sabit tempdə keçə bildilər. Hətta Antonelli yarışın ən yaxşı dövrəvi vaxtını 52-ci dövrədə göstərdi.
Hard təkərlərlə start alan sürücülər isə təhlükəsizlik avtomobili çıxan dövrədə trasda qalmaq imkanına sahib oldular və bunun hesabına bir neçə mövqe qazandılar. Lakin tezliklə pit-stop edən rəqiblər təzə təkərlərin təmin etdiyi daha yüksək temp sayəsində fərqi bərpa edə bildilər.
Məsələn, Alpine, Haas və Racing Bulls komandaları fərqli strategiyaları bölüşdürərək sürücülərinə müxtəlif imkanlar yaratdılar. Red Bull Racing isə ümumiyyətlə Soft təkərlərlə start etməyi seçdi ki, sürücülər daha yüksək ilişmə sayəsində ilk dövrədə mövqelər qazana bilsinlər. Nəticə belədir: yarış strategiyası hazırlanarkən hər üç təkər tərkibi də kifayət qədər uyğun seçim oldu.
Şərh əlavə et