Pirelli-nin yarış proqramının rəhbəri Dario Marrafuski belə bildirib: “Topladığımız məlumatların və təkərlərin vəziyyətinin təhlilinə görə, sabahkı yarışda üç tərkibin hamısı öz rolunu oynaya bilər. Hesab edirik ki, komandalar bir pit-stopla kifayətlənə bilərlər və nəzəri olaraq ən sürətli strategiya Medium–Hard kombinasiyasıdır. Bu halda təkər dəyişməsi təxminən 20-ci və 26-cı dövrələr arasında baş verə bilər.
Məşqlərdə bəzi uzun seriyalar yarışda Soft təkərlərdən də istifadə etməyin mümkünlüyünü göstərdi. Düzgün yanaşma ilə C5 ilk hissə üçün yaxşı seçim ola bilər, daha sonra isə C3 təkərləri 15–21-ci dövrələr arasında qoyaraq finişə qədər istifadə etmək olar.
Melburnda pit-stop üçün itirilən vaxt çox azdır – təxminən 21 saniyə. Bundan əlavə, statistika göstərir ki, burada təhlükəsizlik avtomobilinin çıxma ehtimalı 75 faizdir. Buna görə iki pit-stoplu strategiya da tam realdır.
Belə halda komandalar Medium – Hard – Medium kombinasiyasını seçə bilərlər. Daha aqressiv strategiya istəyənlər isə Soft – Medium – Soft variantından istifadə edə bilərlər”.
Şərh əlavə et