Kokpit.az xatırladır ki, 2026-cı il ilə birlikdə Formula 1-də tamamilə yeni era başlayır.
Şarl Lekler: “Bu mövsümə kifayət qədər neytral yanaşıram. Mən artıq bir neçə ildir Ferrari komandasında çıxış edirəm və burada vəziyyətin necə olduğunu yaxşı bilirəm. Ferrari-də yarışmaq inanılmazdır, amma komandanın ətrafında həmişə çox səs-küy və böyük gözləntilər olur, halbuki bunlar hər zaman real mənzərəni əks etdirmir.
Hazırda konkret gözləntim yoxdur. Sadəcə gündən-günə işləyirəm, işimi mümkün qədər yaxşı görməyə çalışıram və ümid edirəm ki, bazar günü burada mövsümün ilk qələbəsini qeyd edə biləcəyik. Əgər belə olmasa, işləməyə davam edəcəyik.
Görürəm ki, Lyuis çox həyəcanlıdır. O, keçən il komandaya qoşulduğuna görə çox sevinirdi və biz hər ikimiz yeni maşınların ortaya çıxmasından məmnunuq. Yeni eraya yaxşı başlamaq vacibdir və mövsümü mümkün qədər uğurlu keçirmək üçün hər ikimiz komanda ilə birlikdə çox işləməliyik.
Əminəm ki, maraqlı mövsüm olacaq. Uzun illər daha ənənəvi maşınlarla yarışmışıq. Qaydalar dəyişəndə hər ssenarini əvvəlcədən işləyirdik, lakin yeni maşınlarla belə ssenarilər həddindən artıq çoxdur. Məsələn, təhlükəsizlik avtomobilindən sonra restart – bəzi vəziyyətləri sadəcə simulyasiya etmək mümkün deyil, ona görə də sürprizlər ola bilər”.
Şərh əlavə et