Onlar mövsümöncəsi testlərdə Aston Martin Honda-nın zəif nəticələrini müzakirə edib, problemlərin səbəblərini açıqlayıb və Melburndakı ilk yarışa qədər vəziyyəti düzəldəcəklərinə söz veriblər.
Koiçi Vatanabe: “Düzünü desək, mövsümöncəsi testlər bizim üçün son dərəcə çətin keçdi. Gözlədiyimiz nəticələri tam göstərə bilmədik və kifayət qədər mürəkkəb problemlər aşkar etdik. Amma testlərin əsas faydası ondan ibarət oldu ki, problemləri konkret şəkildə üzə çıxara bildik. Hazırda mühəndis və mexaniklərimiz komanda ilə sıx əməkdaşlıq şəraitində vəziyyəti yaxşılaşdırmaq üzərində işləyirlər.
Biz Aston Martin ilə əvvəlkindən də daha sıx və koordinasiyalı işləyirik ki, bu çətin vəziyyətdən çıxış yolu tapaq. Qarşılaşdığımız çətinliklər böyükdür, amma şübhəsiz ki, bu problemi həll edəcəyik”.
İkuo Takeişi: “Testlər zamanı qeyri-adi vibrasiyalar müşahidə etdik və bu, batareyanın zədələnməsinə səbəb oldu. Güc qurğusunun niyə bu qədər güclü vibrasiya yaratdığını araşdırırıq və həm güc qurğusunda, həm də boliddə tətbiq olunacaq qarşı tədbirlər hazırlayırıq. Hazırda Sakuradakı bazada monokok ilə birlikdə dinamometr stendində iş aparırıq, təhlillər edirik və vibrasiyanı aradan qaldırma yollarını axtarırıq.
Qeyri-adi vibrasiyalar maşının hərəkəti zamanı bir neçə amilin birləşməsi nəticəsində yaranıb və nəticədə akkumulyator zədələnib. İlk yarışa qədər bütün mümkün qarşı tədbirlər görüləcək. Problemlər çoxdur, amma biz qalib gəlmək əzmindəyik”.
Şərh əlavə et