Apple-ın uzun müddətdir gündəmdə olan ilk qatlana bilən iPhone modeli ilə bağlı yeni detallar üzə çıxıb. Sızıntılara görə cihaz açıq vəziyyətdə təxminən 7,7 düymlük daxili ekrana, qatlandıqda isə 5,3 düymlük xarici ekrana sahib ola bilər. Bu ölçülər Apple-ın iPad mini təcrübəsini cib ölçüsünə sığdırmaq niyyətində olduğunu göstərib.
Məlumatlara əsasən, Apple kitab tipli qatlana bilən dizaynı seçib. Bu isə cihazın Galaxy Z Fold seriyasına bənzər şəkildə üfüqi açılacağı anlamına gəlib. Şirkətin indiyədək ekran dayanıqlılığı mövzusunda ehtiyatlı mövqe tutması, qatlana bilən iPhone-un bazara bu qədər gec çıxmasının əsas səbəblərindən biri kimi dəyərləndirilir.
İddialara görə Apple bu modeli 2026-cı ildə təqdim etməyi planlaşdırır. Əgər sızıntılar təsdiqlənsə, qatlana bilən iPhone Apple üçün sadəcə yeni bir smartfon deyil, eyni zamanda iOS və iPadOS arasındakı sərhədləri daha da qeyri-müəyyənləşdirən yeni bir dövrün başlanğıcı ola bilər.
Şərh əlavə et