Las-Veqas Qran Prisinin sərbəst yürüş proqramında sessiyanın iki saat irəli çəkilməsi trasın temperaturunu nisbətən yüksəldib və asfaltın vəziyyəti sürətlə yaxşılaşıb.
Pirelli Motosport-un direktoru Mario İzola bildirib: “Gözlənildiyi kimi, trasın vəziyyəti çox tez yaxşılaşıb. Birinci sessiyadan cəmi bir neçə saat əvvəl yol hərəkətinə açıq olan asfalt əvvəlcə çox çirkli idi, lakin hər dövrə ilə birlikdə asfalt kauçukla örtüldü və sürətlənməyə başladı.
İkinci sessiyada Lando Norris ötən il ikinci sərbəst yürüşdə Həmiltonun göstərdiyi nəticəni 0.2 saniyə fərqlə keçdi və bu da ötənilki təsnifat tempinə yaxınlaşmaq deməkdir.
Birinci sessiyada aşağı asfalt temperaturu Medium və Soft tərkiblərində dənlənməyə səbəb oldu, lakin bu, ötən illə müqayisədə daha az müşahidə olundu. Problem yeyilməyə təsir etmədi.
Tərkiblər arasındakı fərqə komandaların proqramları ciddi təsir göstərib. Medium təkərlər daha çox yanacaq yüklü yarış tempində istifadə edildiyi üçün daha çox dənlənmə göstərib. Soft isə əsasən sıralanma tempi üçün istifadə edilib və buna görə daha az problem yaşayıb.
Hard tərkibi dövrəvi vaxtına görə Mediumdan demək olar ki, geri qalmayıb və komandalar onun resursunu uzada bilsələr, bazar günü yarış üçün ideal seçim kimi görünür”.
Şərh əlavə et