M.İzola: Leklerin qərarı özünü doğrultdu

M.İzola: Leklerin qərarı özünü doğrultdu
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

ABŞ Qran Prisində komandalar müxtəlif taktikalardan uğurla istifadə ediblər. Məsələn, Şarl Lekler Soft tərkibli təkərlərlə start almaq riskinə gedən azsaylı sürücülərdən biri olub və bu qərar ona startda bir mövqe qazanmağa kömək edib. Nəticədə monakolu pilot yarışı üçüncü pillədə başa vurub.

İlk on beşlikdə start alanların əksəriyyəti, o cümlədən yarışı qazanan Maks Ferstappen, startda Medium tərkibli təkərləri seçiblər. İkinci onluqda start alan üç sürücü isə Hard tərkibinə üstünlük verib.

Mario İzola, Pirelli Motorsport-un direktoru: “Ostindəki yarışın əvvəlində komandalar taktika baxımından özlərini məhdudlaşdırmaq istəmədilər, buna görə də əsasən Medium tərkibli təkərlərdən istifadə etdilər. Bu da onlara daha çox çeviklik qazandırdı.

Lekler ilk onluqda Soft təkərlərlə start alan yeganə sürücü idi və bu qərar özünü doğrultdu, çünki yumşaq tərkib daha yaxşı asfaltla ilişmə təmin edirdi.

Yarışın əvvəlində virtual təhlükəsizlik avtomobili rejimi elan olundu və bu da Soft və Medium təkərlərlə gedənlərə birinci hissəni bir neçə dövrə uzatmaq imkanı verdi. Medium tərkibi gözləniləndən də stabil işləyirdi.

Müsbət amillərdən biri şənbə gününə nisbətən daha aşağı asfalt temperaturu və trasın vəziyyətinin yaxşılaşması idi. Bütün bunlar birlikdə komandaların birinci hissəni maksimum dərəcədə uzatmasına imkan verdi.

Nəticədə əvvəlcədən planlaşdırılan “Medium–Hard” sxemi yarışın orta mərhələsinə doğru daha az effektiv taktikaya çevrildi. Təxminən 30-cu dövrə ətrafında keçirilən pit-stoplardan sonra aydın oldu ki, demək olar bütün sürücülər son hissəni Soft təkərlərlə keçirəcəklər.

Arxa təkərlərin yeyilməsi kritik həddə çatmadığı üçün sürücülər təkərlərə qənaət etməyə məcbur qalmadılar və yüksək tempi qoruyub saxlaya bildilər. Buna, həmçinin komandaların düzgün seçilmiş sazlanmaları da təsir etdi.

Maks Ferstappeni qələbə münasibətilə təbrik edirik. O, hələ də çempionluq uğrunda əsas iddiaçılardan biridir. Eyni zamanda, fərqli taktika seçimi sayəsində podiuma yüksələn Şarl Lekleri də təbrik edirik”.

Bunları da oxuyun

Şərh əlavə et