Yarışdan sonra müsahibə verən Fernando Alonso vəziyyəti belə şərh edib: “11-ci döngədə Alekslə təmas yaşadım və ən böyük zədəni də orada aldıq.
Yəqin ki, hər dövrədə yarım saniyədən çox vaxt itirirdik. Yarışdan sonra bolidə kənardan baxdım, altlıq demək olar ki, yox olmuşdu. Bu bolidlə yarışı necə davam etdirə bildiyimizi həqiqətən bilmirəm.
Bolid zədələnməsəydi, bu gün böyük ehtimalla xal qazana bilərdik. Çünki bu vəziyyətdə belə 12-ci yerdəyik.
Williams ilə aramızdakı güc balansına gəlincə, bəzən biz daha yaxşı oluruq, bəzən də onlar. Bu, mühərrik gücünün daha çox əhəmiyyət daşıdığı traslardan asılı olaraq dəyişir.
Amma bu gün xal qazana və Mühəndislər Çempionatında onlara yaxınlaşa bilərdik. Təəssüf ki, artıq bunun üçün başqa fürsətimiz qalmayıb.
Ən arxa sıralardan start götürəndə təmas riski həmişə olur. Məncə, arxa qrupdakı pilotların səviyyəsi də çox aşağıdır. Bu gün Alekslə yaşadığımız hadisə də bunu göstərdi.
Buna görə də bolidi inkişaf etdirməli və sıralanma turlarında daha yuxarı mövqelərdən start götürməliyik”.
Şərh əlavə et