Kokpit.az bildirir ki, fransalı sabiq sürücü yazısında Həmiltonun Ferrari ilə keçirdiyi ilk 14 yarışın gözlənilən nəticələri vermədiyini vurğulayıb. Qış fasiləsində komandaya qoşulması tifosidə böyük ümidlər yaratsa da, SF-25 ilə ortaya qoyulan performans bunları doğrultmayıb.
Budapeşt həftəsonunda Həmiltonun səsləndirdiyi bədbin fikirlər Ferrari azarkeşlərini təəccübləndirib. Alezi isə bu açıqlamaları sərt formada tənqid edib: “Məncə Həmiltonun bu davranışı onun ətrafında çalışanların motivasiyasını azaldır. Senna və ya Şumaxer heç vaxt belə sözlər deməzdilər”.
Alezi həmçinin Macarıstan Qran Prisinin sonunda Ferrari-nin yaşadığı performans enişi barədə də danışıb. O, Şarl Leklerin şənbə günü qazandığı poulu və yarışın əvvəlindəki güclü tempin sonradan çökməsini belə şərh edib: “Şənbə günü İtalyan komediyası kimi başladı, amma bazar günü həqiqi bir qorxu filminə çevrildi.
Uçan bir Ferrari-nin ertəsi gün ortalıqda görünməməsi, azarkeşləri ən çox hiddətləndirən şeydir”.
Şərh əlavə et