Cümə günü səhər Aston Martin komandası açıqlama yayaraq, Fernando Alonsonun belindəki əzələ zədəsi səbəbilə Macarıstandakı ilk sərbəst yürüş sessiyasını buraxacağını bildirib.
Bir qədər sonra komandanın yarış direktoru Mayk Krak vəziyyətin detallarını izah edib: “Alonsonun bel əzələsindəki problem Spa Qran Prisindən sonra yarandı. Çox sıx təqvim və gərgin iş qrafiki səbəbindən bərpa üçün kifayət qədər vaxt olmur, bəzən yatmağa belə vaxt çatmır, çünki çox səyahət edirik.
Bu da problemin bir hissəsidir. Biz qərara gəldik ki, bərpa müddətini artırmaq və ilk sessiyadan imtina etmək daha məqsədəuyğundur. Onsuz da bu sessiya ən az əhəmiyyət daşıyan fiziki aktivlik sayılır.
Plan belədir: Fernando ikinci sessiyada maşına qayıdacaq. Onun rahatlığını artırmaq üçün oturacağı və kokpitdəki oturma mövqeyini tənzimləmişik. Əminik ki, Alonso ilə hər şey qaydasında olacaq.”
Şərh əlavə et