O.Piastri iddialı danışıb

O.Piastri iddialı danışıb
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Macarıstan Qran Prisindən əvvəl keçirilən FIA mətbuat konfransında Oskar Piastri sensasiyalı açıqlama ilə çıxış edib. Avstraliyalı McLaren komandasının pilotu bu mövsüm çempionluq mübarizəsinin yalnız iki sürücü arasında getdiyini bildirib və Maks Ferstappenin artıq onlara rəqib olmadığını deyib.

Kokpit.az xatırladır ki, avstraliyalı sürücü çempionatda 266 xalla liderdir. Onu 250 xalla Lando Norris izləyir. Üçüncü yerdəki Maks Ferstappenin isə 185 xalı var. Yəni ki, Maks hazırda çempionatın lideri Oskardan 81 xal geridə qalır.

Oskar Piastri: “Fikrimcə, çempionluq uğrunda mübarizə ikimiz arasında gedir – mən və Lando. Son yarış həftəsonlarında da bu aydın göründü: qəıəbə uğrunda yalnız biz döyüşürdük.

Mövsümün sonuna qədər bəzi traslarda rəqiblər daha güclü ola bilər və bizə çətinlik yaradacaqlar. Amma bu, Maks olacaq yoxsa Ferrari, Mercedes, yoxsa başqa biri? İndi bunu söyləmək çətindir.

Açığı, bu məni çox da narahat etmir. Mən sadəcə hər yarışı qazanmağa və xal fərqini artırmağa çalışıram. Biz Lando ilə eyni maşında yarışırıq və bu hal-hazırda padokdakı ən güclü boliddir. Bu hal onu mənim əsas rəqibimə çevirir”

“Çempionluğu nə müəyyən edəcək?” sualına isə Oskar Piastri belə cavab verib: “Cavab sadədir – mövsümün sonuna qədər yarışları qazanmaq, rəqiblərdən sürətli olmaq və minimum səhv etmək lazımdır.

Bəli, stabil nəticələr də vacibdir. Amma əgər səni daima başqaları məğlub edirsə, o zaman çempion ola bilməzsən. Qələbə ilə stabillik arasında düzgün balans tapmaq vacibdir, amma bu həmişə mümkün olmur.

Əgər sən robot olsaydın, həm maksimum sürətlə gedər, həm də heç bir səhv etməzdin. Amma biz insanıq, ona görə səhvləri minimuma endirmək əsas faktorlardan biridir.

Amma sadəcə təhlükəsiz sürüb, risk etməmək də çıxış yolu deyil, çünki bu halda digərləri səni keçəcək”.

Oskar Piastrinin bu cəsarətli açıqlamaları çempionatın hələ bitmədiyi bir mərhələdə ciddi rezonans doğurub. Gənc sürücünün özünəinamı və mövsümə olan yanaşması, onun çempionluq uğrunda həqiqi iddialı olduğunu göstərir.

Bunları da oxuyun

Şərh əlavə et