Belçika-2025: Sprint yarışına Piastri öndən başlayacaq

Belçika-2025: Sprint yarışına Piastri öndən başlayacaq
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Belçika Qran Prisi ardıcıl 5 ay ərzində sprint həftəsonu formatının tətbiq edildiyi yeganə yarışdır - ən son belə hal mayda Mayamidə olmuşdu və növbəti sprintli həftəsonu oktyabrda Ostində baş tutacaq.

Pilotlar yeganə sərbəst yürüşlərdə qısa və orta məsafəli seriyalarla işləyib, bolidləri sıralanma turuna hazırlamağı çalışıblar. Səhər ən yaxşı nəticəni Oskar Piastri göstərib. Yeddi kilometrlik mürəkkəb tras üçün optimal sazlamaları bir saata tapmağı hər kəs bacarmayıb. Bu iş sıralanma turu ərzində də davam etdirilib.

Pirelli bura qeyri ənənəvi üçlüklə gəlib – C1 təkərləri Hard rolundadır, lakin Medium və Soft rolları üçün müvafiq olaraq, C3 və C4 təkərləri gətirilib. C2 tərkibinə yer verilməyərək ardıcıllıq pozulub.

Birinci sessiyada hamı Medium təkərlərlə trasda olub və tıxac yaranıb – Hülkenberqi trasda birbaşa Lousonun qarşısına buraxıblar, bu da Lousonu toqquşmadan yayınmaq üçün dayanmağa məcbur edib. Stüardlar insidenti araşdırmağa götürüblər, lakin heç kimi cəzalandırmayıblar. Ferstappenin bolidi üzərində mexaniklərin işi davam edib, amma bir neçə dəqiqə sonra o da trasda olub.

Antonelli sürətli dövrədə yerində fırlanıb, qumluğa çıxıb və nəticə göstərmədən boksa qayıdıb, 14-cü döngəni qum ilə doldurub – nəticədə həmin zonada digər maşınlar sürüşməyə başlayıb. Sessiyanın sonunda Həmilton əyləcdə problem yaşayıb, yerində fırlanıb və Bus Stop-da trasdan çıxaraq dövrəni tamamlaya bilməyib.

Ən yaxşı dövrəni Oskar Piastri vurub – 1:41.769. Mübarizəni beş müxtəlif komandanın pilotu dayandırıb: Antonelli, Kolapinto, Həmilton, Hülkenberq, Elbon

İkinci sessiyanın startı qumun təmizlənməsi üçün beş dəqiqə gecikdirilib. Yenə hamı Medium təkərlərlə trasda görünüb. Piastrinin ilk sürətli dövrəsi dördüncü döngədə trasdan çıxdığı üçün ləğv edilib, ikinci cəhddə isə o, yalnız onuncu olub. Protokola Lando Norris başçılıq edib – 1:41.412. Stroll, Alonso, Rassell, Tsunoda və Louson son sessiyaya keçə bilməyiblər.

Final sessiyasının startı da qumun təmizlənməsi üçün gecikdirilib. Bütün pilotlar Soft təkərlərlə trasda olublar, sürətlər artıb. Piastri ən yaxşı nəticəni göstərib – 1:40.510 və ən yaxın rəqibini yarım saniyəyə yaxın qabaqlayıb.

Oskar Piastri karyerasında üçüncü dəfə sprint təsnifat mərhələsinin qalibi olub. Sabah Maks Ferstappen onunla birlikdə birinci cərgədən start alacaq. İkinci cərgədə Norris və Lekler, üçüncü cərgədə isə Okon və Sayns yer alacaqlar.

Bunları da oxuyun

Şərh əlavə et