Qeyd edək ki, Cin Haas dünyanın tanınmış “Haas Automation” dəzgah istehsalı şirkətinin sahibidir və əsas fəaliyyəti avtoidmandan kənardır. Lakin o, festival öncəsi xüsusi təlim proqramı keçib və nəticədə maşını uğurla idarə etməyi bacarıb.
Cin Haas boliddən düşdükdən sonra belə danışıb: “Səmimi desəm, əvvəllər Sürət Festivalı haqqında o qədər də məlumatım yox idi. Amma bu tədbir məni cəlb etdi və artıq başa düşürəm ki, niyə bu qədər insan buraya gəlir. Ən çətini isə bu qədər sürətli maşını çox yavaş sürmək idi!”
Komanda rəhbəri Ayao Komatsu isə bildirib: “Cin ilk dəfə Formula 1 maşını sürdü və hər şey əla keçdi. Hər birimiz iki dəfə — səhər və günorta olmaqla trasda yer aldıq. Cin çox məmnun idi və daim gülümsəyirdi. Bu gün bizim üçün sadəcə möhtəşəm bir gün oldu. Tarixi bir hadisə idi və həmişə yaddaşımızda qalacaq”.
Bu gün isə Haas bolidlərinin sükanı arxasında artıq Oliver Berman və Esteban Okon yer alıblar. Peşəkar pilotlar olaraq onların çıxışı festival izləyiciləri tərəfindən rəğbətlə qarşılanıb. Qudvud təpəsinə qalxan məşhur trasa çıxan əsas heyətin sürücüləri artıq öz bacarıqlarını nümayiş etdiriblər.
Şərh əlavə et