Y.Tsunoda: Ən azından sonuncu deyiləm

Y.Tsunoda: Ən azından sonuncu deyiləm
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Red Bull komandasının sürücüsü Yuki Tsunoda Britaniya Qran Prisinin sıralanma turunun ikinci sessiyasında mübarizəni dayandırdığı üçün məyus olub.

Kokpit.az xatırladır ki, yaponiyalı sürücü komanda yoldaşı Maks Ferstappenin poul aldığı sıralanma turunda 12-ci yeri tutub.

Yuki Tsunofa sessiyadan sonra verdiyi açıqlamada bildirib ki, maşında yaşadığı güc itkisi səbəbilə son sessiya şansını əldən verib: “Düzünü desəm, güc itkisi yaşadım.

Dövrəyə başladım, amma son döngədən çıxarkən adətən aldığım gücü ala bilmədim. Dövrə boyunca xüsusən 3-cü döngədən əsas düzlüyə qədər təxminən 0.1 saniyə itirdim. Həmçinin son cəhdimdə bəzi sazlamalar da işləmədi.

Bunları nəzərə alsaq, dövrəm kifayət qədər yaxşı idi. Aradakı fərqin nə qədər az olduğunu düşünsək… Yəqin ki, son sessiyaya keçə bilərdim. Ona görə bu, həqiqətən əsəbvericidir. Son sessiya mümkün idi.

Bolidin inkişafından həqiqətən razıyam. İndiyədək ən problemsiz yarış həftəsonumuz olduğunu deyə bilərəm. Amma hər dəfə, son addımda nəsə baş verir. Həmişə olmur, amma bu dəfə son addımda oldu və o dövrə çox vacib idi. Bu, çox məyusedici oldu. Dediyim kimi, bu problem olmasaydı, son sessiyaya qalacaqdım. Ona görə də bu, əsəbvericidir”.

Avstriyada 18-ci yerdən başladığı yarışı sonuncu – 16-cı yerdə – tamamlayan Tsunoda Silverstoundakı performansını inkişaf kimi dəyərləndirir: “Heç olmasa bu dəfə 18-ci yerdən başlamıram… Xallara daha yaxınam.

Yarışı səbirsizliklə gözləyirəm. Düzü, sonuncu dəfə nə vaxt xal qazandığımı xatırlamıram. Xal qazanmalıyam və komandamı sevindirməliyəm.

Yəqin ki, yenə çətin bir yarış olacaq, amma heç olmasa bir az təkmilləşmişik və edə biləcəyim şeylər olduğunu bilirəm.

Ama məncə, hələ tam mənzərəni görmədiniz. Maşının verə biləcəyi daha çox şey var. Növbəti yarışlarda bunu görəcəyik”.

Bunları da oxuyun

Şərh əlavə et