Nismo prefiksli Nissan Patrol ofrouderi debüt edib

Rauf Hacıyev 01 İyul 2025, 09:28
Nismo prefiksli Nissan Patrol ofrouderi debüt edib
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Nissan Patrol ofrouderinin “bərkgedən” Nismo versiyası ilk dəfə on il əvvəl debüt edib və yalnız BƏƏ bazarında satılıb. Ofrouderin yeni nəslində də belə modifikasiya var və o, artıq qlobal statusa malikdir. Qeyd etmək gərəkdir ki, Yaxın Şərq üçün hazırlanmış Nissan Patrol Nismo və Şimali Amerikada satılacaq Nissan Armada Nismo eyni vaxtda debüt edib. Onların arasında fərq kiçik olsa da, amma yenə də mövcuddur.

Zahiri cəhətdən Nismo versiyaları standart ofrouderlərdən ciddi şəkildə fərqlənirlər. Onların xüsusiyyətləri arasında daha böyük radiator barmaqlığı, digər bamperlər, yenidən işlənmiş kandar örtükləri, həmçinin beşinci qapıdakı spoyler var. Yeni duman əleyhinə işıqlar peyda olub, arxa diffuzora isə, mərkəzi duman əleyhinə işıq quraşdırılıb. Kuzovda qırmızı Nismo vurğuları peyda olub. Yeni kuzov dəsti sayəsində avtomobil 90 millimetr uzun (indi 5295 millimetr) və 40 millimetr enlidir (2070 millimetr). Döymə təkər disklərinin diametri 22 düymdür və onlar xüsusi şinlərlə təchiz ediliblər.

İnteryer özünəməxsus qırmızı – qara rəng sxeminə malikdir. Ön oturacaqlarda döngələrdə daha yaxşı dəstəyi təmin etmək üçün tənzimlənən yan dayaqlar var. Ön panel və qapılar karbonplastiki xatırladan dekor və qırmızı vurğularla bəzədilib. Sükan çarxında sıfır mövqeyi işarəsi, pedallarda isə, alüminium örtmələr var. Media sistemi və kontur işıqlandırması idman anturajına malik olan yeni iş rejimlərini sahib olublar.

Amerikan Nissan Armada Nismo versiyasının 3,5-litrlik V6 biturbo mühərrikinin gücü 425-dən 466 at qüvvəsinə artırılsa da, fırlanma anı dəyişməz qalıb – 700 Nm. Bununla belə, Yaxın Şərqdə saatılan Patrol Nismo daha güclüdür: 495 at qüvvəsi! Bunun üçün təkcə mühərrikin idarəetmə proqramını deyil, həm qazpaylama  mexanizmi dəyişdirilib. Ofrouder yeni buraxılış sistemini alıb  – yeni sistemin səsi audio sisteminin dinamikləri vasitəsilə salonda da regenerasiya edilir. Standart avtomobillərdə olduğu kimi, biturbo mühərrik doqquz pilləli “avtomat” (onun tənzimləmələri dəyişdirilib) və ön oxda muftası olan tam ötürmə sistemi ilə birlikdə çalışır.

 

Maraqlıdır ki, şassini tənzimləyən zaman mühəndislər əsas diqqəti Yaxın Şərq alıcılarının zövqlərinə və üstünlüklərinə yönəldiblər. Çətin ki, Patrol Nismo ərəb drifti və iki təkər üzərində sürmək üçün sazlanıb, lakin adaptiv amortizatorlu pnevmatik asma istənilən halda idman üslubunda köklənib. Klirensin hündürlüyü 244-dən 195 millimetrə qədər azaldılıb. Elektrik sükan gücləndiriciisi və stabilizasiya sistemi də yenidən sazlanıb. Boş çəkisi 2817 kiloqram olan ofrouder hələ də çəkisi 3,9 tona qədər olan qoşquları yedəyə ala bilir.

Yaxın Şərqdə Nissan Patrol Nismo iyul ayında bazara çıxacaq, BƏƏ-dəki ssatış qiyməti artıq açıqlanıb: ən azı 122 min dollar. Amerikan Nissan Armada Nismo rəsmi olaraq 2026 model ilinə aiddir və yalnız payızda yerli dilerlər salonlarında nümaayiş etdiriləcək. Qiymətlər hələlik açıqlanmayıb, lakin Nismo versiyası, şübhəsiz ki, hazırda 79.000 dollara başa gələn ən yüksək səviyyəli Platinum Reserve Armada ofrouderindən daha bahalı olacaq.

Bunları da oxuyun

Şərh əlavə et