Yarışdan sonra danışan niderlandlı sürücü bolidin sürətindən və komandanın performansından razı qaldığını bildirib.
Maks Ferstappen: “Düşünəndə, həqiqətən də yaxşı qələbə qazandığımızı düşünürəm. Sürətimiz, tempimiz və hər şeyimiz lazım olan səviyyədə idi.
Soft və Medium tərkibli təkərlərlə kifayət qədər yaxşı idik. Düzdür, düşünürəm ki, orta tərkibli təkərlərlə hamı bir qədər çətinlik çəkirdi. Nəticədə məqsədimizə çatdıq və burada qalib gəldiyim üçün çox xoşbəxtəm.
Startda əlimdən gələnin ən yaxşısını etməyə çalışdım. Xoşbəxtlikdən, bu, qələbə üçün kifayət etdi”.
Son yarışlardakı performanslarını da dəyərləndirən Ferstappen sözlərini belə tamamlayıb: “Son iki yarış bizim üçün çox yaxşı keçdi.
Bunu görmək çox xoşdur. Komandada uğur qazanmaq üçün əla motivasiya var. Buna görə çox xoşbəxtəm və komanda ilə işləməkdən böyük zövq alıram.
Ümid edirəm ki, mövsümün sonuna qədər bir az da əylənə bilərik”.
Şərh əlavə et