Malayziyada keçirilən ikinci məşq sessiyasında Maks Ferstappen komanda yoldaşı Ayzek Hacardan geri qalaraq dördüncü olub.
İsti hava və yüksək təkər yeyilməsinin komandalar üçün ciddi çətinlik yaratdığını bildirən Ferstappen Red Bull-un həftəsonuna müsbət başladığını deyib.
Maks Ferstappen: “Düşünürəm ki, yaxşı başlanğıc etdik. Lakin tras həqiqətən çox istidir və təkər yeyilməsi yüksəkdir. Buna görə də həll etməli olduğumuz çox şey var. Amma ümumilikdə müsbət sessiya keçirdik.
İkinci məşq birincidən daha isti şəraitdə keçirildi və fərqli proqramlar tətbiq etdik. Buna görə nə qədər irəliləyiş əldə etdiyimizi söyləmək çətindir. Hələ də nəzərdən keçirməli və daha yaxşı anlamağa çalışmalı olduğumuz çox şey var”.
Ferstappenin gün ərzində diqqət çəkən seçimlərindən biri isə Soft təkərlərdən istifadə etməməsi olub.
Niderlandlı pilot bu qərarın əvvəldən planlaşdırıldığını və yağış ehtimalına görə uzun sürüş həyata keçirmək istədiyini açıqlayıb: “Yağış yağma ehtimalına qarşı uzun sürüş etmək istəyirdim”.
Şərh əlavə et