“Gümüşü oxlar” bu həftəsonu keçiriləcək yarış üçün avtomobilə böyük yeniləmə paketi gətirmək qərarına gəlib.
Həftəsonu öncəsi danışan Toto Volf bildirib: “Sepanq kifayət qədər çətin trasdır. Burada aerodinamik performans, mexaniki ilişmə, təkərlərin idarə olunması və isti hava şəraitində sabit performans böyük əhəmiyyət daşıyır. Buna görə də avtomobilimizin real potensialını ölçmək üçün çox yaxşı sınaq olacaq.
Sepanqa çoxsaylı yeniləmələrlə gəlirik və onların bizi irəli aparacağına ümid edirik. Son dövrdə klassik traslarda istədiyimiz nəticələri əldə edə bilməmişik.
Monza və Bakı olduqca xüsusi traslar idi. Lakin daha ənənəvi traslarda poul mövqeyi uğrunda mübarizə aparacaq səviyyəyə çata bilmədik. Problemlərimizin nədən qaynaqlandığını bilirik və onları həll etmək üçün intensiv çalışmışıq.
Bu yeniləmə paketinin bizi irəli aparacağına ümid edirik. Lakin Formula 1-də heç nə təminatlı deyil. Son sözü həmişə xronometr deyir.
Prioritetimiz düzgün sazlamaları tez tapmaq, problemsiz həftəsonu keçirmək və liderlik uğrunda mübarizənin içində olmaqdır”.
Şərh əlavə et