Son dörd ildə Corc Rassell Bakıda üç dəfə podiuma yüksəlib və həftəsonunun başlamasını nikbinliklə gözləyir.
Corc Rassell: “Bu trası xoşlayıram. Son yarışlarda bolidin içində özümü daha rahat hiss edirəm. Madrinqdə yaxşı tempim var idi, amma ötmə edə bilmirdim.
Formula 1-in əsas çətinliyi ondadır ki, məşq və testlər keçirə bilmirik. Məsələn, qolfda zərbə texnikanı düzəltmək istəyirsənsə, meydana gedib dəfələrlə məşq edirsən. Pilotlar isə yarış həftəsonu ərzində – məşqlərdə, sıralama turlarında və yarışda məşq etməyə məcburdurlar. Buna görə də pilotaj üslubunda müəyyən dəyişikliklər etmək çox vaxt aparır.
Bilirsiniz, bu il Oskar Piastri ilə təxminən eyni problemləri yaşayıram. Əvvəllər işləyən yanaşma indi nəticə vermir. Ancaq irəliləyiş əldə etmişəm və ümid edirəm ki, yenidən qələbələr uğrunda mübarizə aparacağam. Oskarla birlikdə Formula 4, Formula 3, Formula 2 və Formula 1-də qələbələr qazanmışıq. Öz bacarıqlarıma şübhə etmirəm, əminəm ki, Oskar da özünə inamını itirməyib. Sadəcə, bunun üçün vaxt lazımdır.
Şəxsi sıralamada geri qalmağımın səbəbi mövsümün ilk yarısında nəticələrimin kifayət qədər yüksək olmamasıdır. Amma riyazi şansım qaldığı müddətdə hər yarışda çempionluq uğrunda mübarizə aparacağam”.
Şərh əlavə et