Kokpit.az xatırladır ki, Amerika komandası Formula 1-də debüt mövsümünü keçirib, Bakıya ilk dəfə gəlsə də, Valtteri Bottas 2019-cu ildə, Serxio Peres isə 2021 və 2023-cü illərdə paytaxtımızda qalib gəliblər.
Marçin Budkovski, komanda rəhbəri: “Mövsümün sonundakı səfər yarışları seriyası komandaya ciddi yük gətirir. Həm trasda çalışan əməkdaşlar, həm də istehsalatda məşğul olan işçilər üçün vəziyyət asan deyil. Onlar bir neçə ardıcıl yarışdan ibarət gərgin seriyalarda komandanın ehtiyaclarını qarşılamalıdırlar. Bazada dəstək göstərən əməkdaşlar üçün də bu, çətin dövrdür. Onlar başqa saat qurşaqlarında çıxış edən komanda ilə əlaqə saxlamaq üçün son dərəcə əlverişsiz vaxtlarda işləməli olacaqlar.
Bolidin inkişafı üzərində işimizi davam etdiririk və Bakıya məşqlər zamanı sınaqdan keçirəcəyimiz bir neçə kiçik aerodinamik yenilik gətirmişik. Planlaşdırıldığı kimi, Serxio yeni spesifikasiyalı Ferrari güc qurğusundan istifadə edəcək”.
Serxio Peres: “Madrinqdə yarış mənim üçün trası tərk etməli olana qədər yaxşı inkişaf edirdi. Düşünürəm ki, bu, mövsümdəki ən güclü yarışımız idi. Bakıda həmin uğuru təkrarlamağa çalışmaq üçün yenidən trasda olmaq fürsətini səbirsizliklə gözləyirəm.
Keçmişdə bu trasda yaxşı çıxış etmişəm. Ümid edirəm ki, dərhal ritm tutacaq, məşqlərdə yaxşı temp yığacaq və komandanın layiq olduğu səviyyədə nəticə göstərəcəyəm”.
Valtteri Bottas: “Azərbaycanda keçirilən həftə həmişə hadisələrlə zəngin olur! Formula 1-in ən uzun düz xətti bu trasdadır, amma bu, onun digər üstünlüklərini kölgədə qoymur. Tras çox texnikidir. Sükan və qaz pedalı ilə dəqiq işləmək, tutuş səviyyəsinin aşağı olduğunu və divarların yaxın yerləşdiyini daim nəzərə almaq lazımdır. Lakin hər şeyi düzgün etdikdə bu tras göstərdiyiniz səylərin qarşılığını verir”.
Şərh əlavə et