Kokpit.az xatırladır ki, Ferrari komandası daha əvvəl Şarl Lekler ilə 4, Sebastyan Fettellə 1 dəfə poul qazansa da, indiyədək Bakıda heç vaxt qalib gəlməyib. Lakin Lyuis Həmilton 2018-ci ildə Mercedes pilotu kimi bu yarışda qələbə qazanıb.
Frederik Vassör, komanda rəhbəri: “Son yarışlarda bolidimiz kifayət qədər rəqabətədavamlı olub. Onun potensialını reallaşdırmaq üçün bütün həftəsonu ərzində koordinasiyalı işləməyin nə qədər vacib olduğunu bir daha gördük.
Bakı mərhələsi tamamilə fərqli və xüsusi sınaqdır. Burada bolidə inam və pilotajın keyfiyyəti əsas rol oynayır. Bundan əlavə, bu trasda həftəsonunun gedişinə çoxsaylı gözlənilməz amillər təsir göstərə bilər.
Buna görə də işimizə fokuslanmaq, istənilən vəziyyətə uyğunlaşmaq və hər fürsətdən maksimum yararlanmaq vacibdir”.
Şərh əlavə et