Bunlardan biri komanda yoldaşı Kimi Antonellinin güclü çıxışıdır. Digəri isə Maks Ferstappenin gələcəkdə Rasselin yerinə keçə biləcəyi ehtimalıdır.
Corc Rassel 2026-cı il mövsümünə çempionluğun əsas favoriti kimi başlamışdı. Lakin mövsümün ilk yarısında tamamilə fərqli mənzərə ortaya çıxıb.
Antonelli çempionatın liderliyinə yüksəlib. Rassel isə 11 yarışdan sonra komanda yoldaşından 59 xal geri qalır. Bu fərq demək olar ki, üç Qran-Prinin qələbəsinə bərabərdir.
Conni Herbert Antonellinin sabit çıxışının Rasselə ciddi təzyiq yaratdığını bildirib. Onun sözlərinə görə, italiyalı pilot mütəmadi olaraq komanda yoldaşını geridə qoyur.
FIA-nın sabiq stüardı Rasselin çətin mövsüm keçirdiyini qəbul edir. O, britaniyalı pilotun hər zaman bəxtinin gətirmədiyini də vurğulayıb. Bununla belə, Herbert belə problemlərin Formula 1-in bir hissəsi olduğunu bildirib.
Herbert həmçinin mövcud vəziyyətin Rassel üçün daha çətin olduğunu düşünür. Çünki onun sözlərinə görə, özü də daxil olmaqla bir çox insan 2026-cı ilin Rasselin ili olacağını gözləyirdi: “Düşünürəm ki, Kimi Antonellinin sabit çıxışı hazırda Corc Rassel üçün ciddi problem yaradır. Rassel hər dəfə bolidə əyləşəndə Kimi tərəfindən tamamilə geridə qoyulur.
Onun üçün mövsümün ideal keçmədiyini bilirəm. Bəxtinin də hər zaman gətirmədiyini bilirəm. Amma Formula 1-də belə hallar olur.
Bu vəziyyət onun üçün çətin olacaq. Çünki mən də daxil olmaqla hər kəs bunun Corcun ili olacağını düşünürdü. Lakin hadisələr belə inkişaf etmədi”.
Herbert Ferstappenin gələcəkdə Mercedes-ə keçmək ehtimalına da diqqət çəkib. Onun fikrincə, bu ehtimalla bağlı davam edən söz-söhbətlər Rasselin üzərindəki təzyiqi daha da artırır: “Orta perspektivdə Maks Ferstappenin Mercedes-ə keçə biləcəyi ilə bağlı davamlı söz-söhbətlər var. Bu, şübhəsiz ki, Rasselin ruh yüksəkliyinə kömək etmir.
Əminəm ki, Corc öz oturacağının təhlükə altında olduğunun fərqindədir”.
Şərh əlavə et