FIA ötən ilin sonunda yeni 2026-cı il mühərrik qaydaları çərçivəsində geridə qalan mühərrik istehsalçılarının rəqiblərinə çatmasına kömək etmək məqsədilə ADUO (Əlavə İnkişaf və Yeniləmə Fürsətləri) sistemini elan etmişdi.
ADUO sisteminin mövsümün altıncı yarışından sonra istehsalçılar üçün aktivləşdirilməsi planlaşdırılırdı. Altıncı yarışın isə ayın əvvəlində keçirilən Miami Grand Prix olması nəzərdə tutulurdu. Lakin Bəhreyn və Səudiyə Ərəbistanı Qran Prilərinin ləğv edilməsindən sonra Mayami yarışı mövsümün dördüncü mərhələsinə çevrildi.
Buna görə də 2026-cı il mövsümünün altıncı mərhələsi artıq 7 iyunda keçiriləcək Monako Qran Prisi olacaq.
PlanetF1.com-un məlumatına görə FIA və istehsalçılar arasında yenilənmiş 2026-cı il təqviminə uyğun olaraq ADUO sisteminin nə zaman aktivləşdiriləcəyi ilə bağlı son həftələrdə müzakirələr aparılıb.
FIA indi yaydığı açıqlama ilə performans baxımından geridə qalan istehsalçıların gələn həftə keçiriləcək Kanada Qran-prisindən sonra ADUO sistemindən yararlana biləcəyini təsdiqləyib.
FIA açıqlamasında bunlar qeyd olunub: “2026-cı il Formula 1 Texniki Reqlamentinin Əlavə C5 bölməsinin 4.2 maddəsi 2026-cı il mövsümünü üç fərqli dövrə ayırıb. Bu dövrlərdə daxiliyanma mühərriyinin performansı analiz edilərək istehsalçının ADUO kriteriyalarına uyğun olub-olmadığı qiymətləndiriləcək. Bu üç dövr müvafiq olaraq 1-6, 7-12 və 13-18-ci yarışları əhatə edir.
Lakin Avstraliya, Çin, Yaponiya, Bəhreyn, Səudiyyə Ərəbistanı və Mayami Qran-prilərini əhatə edən ilk dövr Yaxın Şərqdə davam edən hadisələr səbəbindən pozulub. Buna görə də ilk dövr yenidən təşkil olunaraq mövsümün ilk beş yarışını əhatə edəcək şəkildə dəyişdirilib.
Nəticələr Kanada Qran-prisindən ən gec iki həftə sonra açıqlanacaq. İkinci dövr 6-11-ci yarışları — Monakodan Macarıstana qədər olan hissəni, üçüncü dövr isə 12-ci yarış olan Niderland Qran-prisindən 18-ci yarış Mexico Qran-prisinə qədər olan prosesi əhatə edəcək.
Nəticələr açıqlandıqdan sonra ADUO hüququ qazanan güc qurğusu istehsalçılarına sahib olacaqları əlavə inkişaf hüquqlarını detallandıran ayrıca bildiriş göndəriləcək. Bu istehsalçılar yeniliklərini növbəti yarışdan etibarən istifadə etməyə başlaya biləcəklər”.
Şərh əlavə et