SoyMotor-un məlumatına görə, bolidlərin arxa hissəsində yerləşəcək işıqlar güc qurğusunun enerji istifadəsi vəziyyətinə əsasən bənövşəyi, mavi və ya sarı rəngdə yanacaq.
Beləliklə, arxadakı pilotlar önlərindəki bolidin sürətində ani azalma olub-olmadığını daha aydın şəkildə anlaya biləcəklər.
Sözügedən işıqlar yalnız hibrid güc qurğusunun elektrik hissəsinin maksimum enerji istehsal etmədiyi hallarda aktivləşəcək. Bundan əlavə, enerji səviyyəsinin əvvəlki dövrə ilə müqayisədə azalması və ya “super clipping” vəziyyətlərində də sistem işə düşə biləcək.
Sistemin əsas məqsədi arxadakı pilotlara öndəki bolidin sürət və enerji vəziyyəti barədə daha aydın xəbərdarlıq vermək və ani yavaşlamalarda reaksiya müddətini azaltmaqdır.
Pilotların ümumilikdə müsbət qarşıladığı bu tətbiqin 24 may həftəsonu keçiriləcək Kanada Qran Prisi ilə birlikdə istifadəyə verilməsi ehtimal olunur. FIA-nın yaxın günlərdə məsələ ilə bağlı daha dəqiq açıqlama verməsi gözlənilir.
Şərh əlavə et