Testləri Antonelli zirvədə bağlayıb

Reqlamentdəki genişmiqyaslı dəyişiklikləri nəzərə alsaq, Bəhreyndə ilk test həftəsinin əsas məqsədi mümkün qədər çox məsafə qət etmək idi. Yeni maşınlar, yeni mühərriklər, enerjinin rekuperasiyası ilə bağlı yeni yanaşma… Yəni ki,  testlər ərəfəsində suallar kifayət qədər çox idi.

Etibarlılıq problemlərindən heç kim sığortalanmayıb, amma demək olar ki, bütün komandalar bir neçə dəfə yarış simulyasiyası həyata keçirərək, gələcək iş üçün möhkəm baza formalaşdırıblar. Üçüncü gün dövrə vaxtları yaxşılaşıb, lakin komandalar hələ sürət üzərində işləməyib. Gələn həftə hər kəs son yenilikləri gətirəcək və ilk real nəticələri çıxarmaq mümkün olacaq.

Qırmızı bayraqlar və insidentlər

Gün ərzində iki dəfə qırmızı bayraq göstərilib.

• Birinci sessiyada Valtteri Bottas soyutma sistemi ilə bağlı problemə görə maşını saxlayıb, lakin iki saat sonra yenidən trasa qayıdıb.
• Sessiyanın son dəqiqələrində Ferrari-də çıxış edən Lyuis Həmiltonun maşını düz yolda güc itirib – testlər üçün tipik səbəb: komanda yanacaq sistemini kalibrləyirdi və yanacaq bitib.

Üçüncü gün məsafə baxımından maksimum məhsuldar alınıb. Dörd pilot 100-dən çox dövrə qət edib. Günün lideri Oskar Piastri olub – 153 dövrə.

Ən yaxşı vaxtı Kimi Antonelli göstərib, lakin o, dünən dörd saat, bu gün isə daha bir saat yarım itirdiyi üçün üç günün yekununda məsafə baxımından yüz dövrədən də az nəticə ilə geridə qalıb.

Sessiya bitdikdən sonra start məşqi üçün pilotlar düz yolda düzülərkən, Franko Kolapintonun maşını bir neçə dəfə silkələnib və o, gözlənilmədən otluğa çıxıb. Xoşbəxtlikdən zərər olmayıb, lakin Alpine sürücüsü təhlükəsizlik zonasında dayanmalı olub və maşın evakuasiya edilib.

Beləliklə, bu həftəlik testlər başa çatıb. Gələn həftə çərşənbədən cümə gününə qədər daha üç test günü keçiriləcək.

Sessiyanın nəticələri