2010-cu ildə ABŞ-da əsası qoyulan ONEflight International qlobal miqyasda fəaliyyət göstərir və 2026-cı ildən etibarən McLaren-in hava daşımalarının təşkilinə cavabdeh olacaq. Tərəfdaşlıqdan hər iki brendin fayda qazanacağı gözlənilir.
ONEflight International loqoları McLaren-in bolidlərində, eləcə də Oskar Piastri və Lando Norris-in yarış kombinezonlarında yer alacaq.
McLaren Racing-in kommersiya üzrə direktor müavini Nik Martin bildirib: “ONEflight-ı tərəfdaşlarımız sırasında görməkdən məmnunuq. Bu şirkət logistika məsələlərini bizim yarışlarda hədəflədiyimiz yüksək səviyyədə həyata keçirəcək. 2026-cı mövsüm ərəfəsində komandamıza qoşulmaları xüsusilə sevindiricidir, çünki qarşıdakı mövsüm son dərəcə maraqlı olacağını vəd edir”.
Şərh əlavə et