Səhər sessiyasında sürücülər yumşaq tərkibli təkərlərlə sürətli seriyalara başlayıblar və ardıcıl olaraq vaxt cədvəlinin zirvəsinə yüksəliblər. SuperSoft tərkibinə keçiddən sonra protokola 1:37.390 saniyəlik nəticə ilə Oliver Göte liderlik edib və Qabriel Minini demək olar 0.3 saniyə qabaqlayıb.
Bir qədər sonra Mari Boyanın əsas düzlükdə dayanması səbəbindən trasda qırmızı bayraqlar qaldırılıb. Sessiya bərpa edildikdən sonra sürətli dövrələr davam edib və Göte 1:37.049 saniyəlik yeni dövrə vurub, bu nəticə də günün sonuna qədər ən yaxşı vaxt olaraq qalıb.
Günün ikinci – günorta sessiyasında komandalar yarış tempi üzərində işləməyə keçib. Sessiya qırmızı bayraqsız sakit şəkildə keçib və iştirakçılar proqramlarını ardıcıl şəkildə icra ediblər.
Nəticələr tədricən yaxşılaşıb, lakin həqiqi sürətli nəticələr yalnız sessiyanın sonuna doğru SuperSoft tərkibinə keçidlə başlayıb. Günorta sessiyasının ən yaxşı vaxtını Rafael Kamara 1:37.646 saniyəlik göstərici ilə əldə edib. Günün ən çox məsafəsini isə Nikola Tsolov qət edib – 120 dövrə.
Şərh əlavə et