Piastri: Mübarizə bizi gücləndirdi

Piastri: Mübarizə bizi gücləndirdi
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

McLaren komandasının sürücüsü Oskar Piastri bildirib ki, bu mövsüm apardığı mübarizədən çox şey öyrənib.

Avstraliyalı sürücü mövsümün son yarışında ikinci yeri tutub və  yeni dünya çempionu olan komanda yoldaşı Lando Norrisdən öndə finişə gəlib.  Gənc sürücüsünün heç bir cəhətdən komanda yoldaşı Landodan geri qalmadığına heç kim şübhə etmir. Çoxları düşünür ki, onun da vaxtı gələcək. Bu mövsümdə o, çempionatda üçüncü yeri tutub, Lando isə açıqlamasında “Oskardan çox şey öyrəndiyini” səmimi şəkildə etiraf edib.

Oskar Piastri: “Bu gün yarışın nəticəsindən razı qaldım. Əlimizdən gələnin hamısını etdik, bir qədər riskli strategiya sınadıq, həm yarışı, həm də çempionatı qazanmaq üçün mümkün olan hər şeyi yoxladıq, amma sonda sadəcə tempimiz çatmadı. Yarış belə bir şeydir.

Lando ilə rəqabət etmək maraqlı və əyləncəli oldu. Bəlkə də kənardan belə görünmürdü. Bu il yarışmaqdan həqiqətən zövq aldım – düşünürəm ki, bunu hər ikimiz deyə bilərik, baxmayaraq ki, mən çempion ola bilmədim. Bu il mənə çox şey öyrədib və ümumən bu üç il ərzində hər yarış həftəsində Landodan nəsə öyrənmişəm. Lakin bilirəm ki, o da məndən öyrənib və bu məni sevindirir.

Qarşıda hələ çox mövsüm var və hər yarış həftəsində çox gərgin mübarizə aparmalı olacağıq, amma düşünürəm ki, məhz bu rəqabət bizim peşəkar baxımdan daha da inkişaf etməyimizə səbəb oldu.

Mövsüm ərzində hər şey qaydasında olanda elə gəlirdi ki, bizi heç nə dayandıra bilməz və çempionatı bu cür nəticələrlə bitirməyimiz əla oldu. Ancaq vəziyyətin tam əksinə olduğu məqamlar da çox olub və düşünürəm ki, həmin anlardan böyük dərs çıxarmışam, müxtəlif çətinliklərlə necə başa çıxmağı öyrənmişəm. Sonda isə özüm haqqında da xeyli yeni şey öyrəndiyimi düşünürəm və bunun gələcəkdə mənə kömək edəcəyinə əminəm”.

Bunları da oxuyun

Şərh əlavə et