Əbu-Dabi trası həm komandalar, həm də Pirelli mühəndisləri üçün yaxşı tanışdır və çempionluq uğrunda mübarizənin cümə günündə təkərlərlə bağlı ciddi problem yaşanmayıb.
Simone Berra, Pirelli-nin baş mühəndisi: “İlk günün nəticələri hesablamalarımıza uyğun çıxıb. Belə ki, cümə günü sürücülər ötənilkindən təxminən yarım saniyə daha sürətli olublar.
İki cümə sessiyasında sağ ön təkərdə bir neçə dənlənmə halı müşahidə olunub, bu da yeyilməni sürətləndirib. Bu baxımdan Medium və Hard tərkibləri yarış üçün daha uyğun hesab olunur, Soft isə daha çox sıralanma turu üçündür. Amma trasın vəziyyətini nəzərə almaq lazımdır. Dəstək yarışları asfaltın ilişməsini yaxşılaşdırıb, buna görə də dənlənmə azalsa, Soft (C5) yenidən aktual ola bilər.
Cümə günündə gördüklərimizə əsasən optimal strategiya bir pit-stop kimi görünür, ancaq iki pit də mümkündür. Təsadüfi deyil ki, McLaren və Aston Martin ikinci məşqdə Hard təkərlərdən istifadə etməyib və yeni dəsti qoruyub saxlayıb.
Yarışda əlavə Hard dəstinin olması, xüsusilə təhlükəsizlik avtomobilinin trasda peyda olması halında, strategiya seçimini xeyli genişləndirəcək və bu tərkib sürət baxımından Medium-dan demək olar geri qalmayıb.
Hazırda C3 və C4 arasındakı sürət fərqi təxminən 0.2 saniyə təşkil edib, Medium ilə Soft arasındakı fərq isə daha böyükdür. Bu, təxminən 0.7-0.8 saniyədir”.
Şərh əlavə et