Niderlandlı sürücü Əbu-Dabidə cümə gününü ikinci yerdə bağlayıb. O, lider Lando Norrisdən 0.3 saniyə geridə qalıb. Red Bull Racing sürücüsü ümumilikdə maşından razı qaldığını desə də, sürəti artırmağın vacib olduğunu etiraf edib.
Maks Ferstappen: “Yaxşı məşqlər keçirdik. Ümumilikdə maşın məni qane etdi, amma onu bir az da sürətli etməliyik. Hələlik yetərincə sürət çatmır, lakin maşını işlək pəncərəyə salmağı bacarmışıq. Balans üzərində işi davam etdirmək lazım olacaq, bu isə adi haldır.
Hazırda görünən odur ki, biz böyük fərqi bağlamağa çalışmalıyıq, ancaq maşından maksimumu sıxmağa cəhd edəcəyik. Axşam hansı həllərin tapılacağını görəcəyik. Hazırkı mərhələdə həm sıralanma, həm də yarış tempində artım tapmaq lazımdır”.
Yuki Tsunoda: “Düzünü desəm, məşqin bu qədər çətin keçəcəyini gözləmirdim. Nə baş verdiyini bilmirəm, amma çox böyük fərqlə geri qalıram. Komanda ilə birgə səbəbləri araşdırmağa çalışacağıq, ancaq fərq baxımından bu, mövsümün ən pis sessiyalarından biri oldu.
Özümü sükan arxasında rahat hiss etmirəm. Maşın daim sürüşür və problemin mənbəyini tapmalıyam. Hazırda vəziyyət heç yaxşı görünmür”.
Şərh əlavə et