M.Ferstappen: Valideynlərim gəlmədilər

M.Ferstappen: Valideynlərim gəlmədilər
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Mövsümün son yarışından əvvəl Maks Ferstappen çempionatda ikinci yerdə qərarlaşıb və lider Lando Norrisdən 12 xal geri qalır.

FIA-nın Əbu-Dabidə keçirdiyi mətbuat konfransında ondan soruşulub ki, əgər titulu qazana bilməsə, çempionluğu əldən buraxmasına səbəb olduğunu düşünəcəyi hansı hadisələri yada salacaq.

Maks Ferstappen: “Mövsüm 24 yarışdan ibarətdir. Bəziləri digərlərindən yaxşı keçib. Çox Qran Pridə qələbə uğrunda mübarizə aparacaq sürətimiz olmayıb, amma yenə də hazırda olduğumuz nöqtəyə çatmışıq.

Ümumilikdə mövsümümüzlə və ilinin ikinci yarısında toparlanmağımızla qürur duymuşam. Sadəcə çalışmışıq və son ana qədər prosesdən zövq almağa çalışmışıq. Amma hansısa bir anı xüsusi seçmək həmişə çətin olur”.

Maks bildirib ki, valideynləri onu dəstəkləmək üçün Əbu-Dabiyə gəlməyib: “Xeyr, valideynlərim burada deyil. Atam Afrikada ralli yarışında iştirak edir, anam isə gəlməyi planlaşdırmırdı.

Düzü, özüm də mövsümün son yarışına qədər titul uğrunda mübarizədə qalacağımı planlaşdırmırdım. Zandfortdan sonra demək olar ki, bütün səfərlərimizi ləğv etmişdik, ona görə də anam indi evdə itlərlə xoşbəxt vaxt keçirir. Onsuz da televiziya Formulanı kifayət qədər geniş yayımlayır.

Bu mərhələ ərəfəsində məni xüsusi ruhlandıran olmayıb, çünki bizdə belə şeylər olmur. Yaxınlarım bilir ki, sükan arxasına keçəndə maksimumumu verirəm. Onların məni motivasiya etməsinə ehtiyac yoxdur. Bizdə bu işləmir.

Əlbəttə, onlar həmişə məni dəstəkləyirlər. Anam hər yarış həftəsindən əvvəl bir şam yandırır. Düşünürəm ki, onlar oğullarına inanırlar”.

Gələn mövsümdə Maks Ferstappenin yeni komanda yoldaşı Ayzek Hacar olacaq. Əbu-Dabidə ondan soruşulub ki, ümumiyyətlə komanda yoldaşlarından hansı keyfiyyətləri gözləyir.

Ferstappen belə cavab verib: “Biz komanda ilə birlikdə maşının inkişafı üzərində işləməliyik. Aramızda qarşılıqlı anlaşma, mehribanlıq və açıq münasibət olmalıdır ki, həftəsonu ərzində heç kim heç nə gizlətməsin. Ümumilikdə hər iki sürücü komandanı irəli aparmalıdır. Məncə, əsas məsələ budur.

Trasdan kənarda yaxşı dost olmağımız xoş bonus ola bilər, lakin bu, mütləq şərt deyil. Əsas odur ki, trasda peşəkar olaq və komandanın maraqlarına uyğun hərəkət edək”.

Bunları da oxuyun

Şərh əlavə et